NMIXX хамгийн олон Melon өдрийн чартын #1-ээр 2025 оны K-pop рекордыг эвджээ!

NMIXX хамтлаг 2025 онд K-pop хамтлагуудын дунд Melon өдрийн чартын хамгийн олон удаа #1 байранд орсноор шинэ дээд амжилт тогтоолоо. Одоогийн байдлаар тэд 18 удаа тэргүүн байрт шалгарсан бөгөөд энэ амжилт үргэлжилсээр байна.

Өнгөрсөн сарын 13-нд анхны бүрэн хэмжээний 'Blue Valentine' цомог болон түүний нэрэмжит гол дууг гаргасан NMIXX нь шинэ цомог гараад долоо хоногийн дотор буюу өнгөрсөн сарын 20-нд Melon чартын топ 100-д багтсан.

Үүнээс хойш ч өдрийн чартын #1 байрыг тогтвортой эзэлсээр, долоо хоногийн чартын (11.03~11.09) хувьд ч 2 долоо хоног дараалан тэргүүлж, урт хугацааны хит болж чаджээ.

Ялангуяа 11-р сарын 9-ний өдрийн чартаар нийт 18 дахь удаагаа #1 байранд орж, энэ оны K-pop хамтлагуудын дунд хамгийн олон #1 байранд орсон шинэ рекордыг эвджээ. NMIXX нь анхны бүрэн хэмжээний цомгоороо өөрсдийн карерын оргилд хүрэхийн зэрэгцээ янз бүрийн чартуудыг байлдан дагуулж, 2025 оны хамгийн шилдэг амжилтыг байгууллаа.

LILY, Хэвон, Сольюн, BAE, Жиу, Гюджин нарын зургаан өнцөгт авьяас чадвараар бүтсэн энэхүү цомог нь олон нийтээс 'шилдэг бүтээл' хэмээх магтаалыг хүртжээ. "Намрын дуу" гэх нэр авсан гол дуу 'Blue Valentine'-ийг оруулаад нийт 12 дуу нь өндөр чанартай хөгжмөөс бүрдсэн бөгөөд оны төгсгөлийн плейлистийг бүрэн дүүргэж байна.

Бүрэн хэмжээний цомгийн амжилтын эрчээр 11-р сарын 29, 30-ны өдрүүдэд Инчон дахь Inspire Arena-д анхны 'EPISODE 1: ZERO FRONTIER' хэмээх аялан тоглолтоо эхлүүлэх гэж байна. Уг тоглолтын ердийн тасалбар борлуулалт хийсэн даруйдаа бүгд зарагдсан бөгөөд хэрэглэгчдийн дэмжлэгтээ тулгуурлан 12-р сарын 4-нд нэмж гаргасан тасалбарууд ч бүгд борлогдож, NMIXX хамтлагийн нөлөөг харууллаа.

Солонгосын интернэт хэрэглэгчид NMIXX-ийн амжилтад ихэд баярлаж байна. "Энэ үнэхээр гайхалтай рекорд шүү!", "NMIXX-ийн дуунууд үнэхээр сайн, тийм учраас гайхах зүйлгүй", "Цаашид ч амжилттай явахыг нь хүсье!" гэх зэрэг сэтгэгдлүүд их байна.