Ким Же-воны анхны бие даасан фэн уулзалт бүгд борлогджээ!

Солонгосын жүжигчин Ким Же-вон анх удаагаа зохион байгуулж буй бие даасан фэн уулзалтаараа хүмүүсийн анхаарлыг ихэд татаж, бүх тасалбараа борлууллаа. Тэрбээр ‘2025–2026 KIM JAE WON WORLD TOUR FANMEETING <THE MOMENT WE MET – The Prologue in Seoul>’ нэртэй уулзалтаа 11-р сарын 30-нд Сөүлийн Уайт Холлд хийх юм.

11-р сарын 10-нд тасалбар худалдаанд гарч эхэлсэн даруйдаа бүгд зарагдаж, жүжигчний нэр хүнд хэр өндөр байгааг харууллаа. Энэхүү арга хэмжээ нь Ким Же-воны дэлхийг тойрон аялах аялалын эхлэлийг тэмдэглэх 'Пролог' болно.

Анхны бие даасан фэн уулзалт болох гэж байгаа ч, түүний тухай мэдээ гараад л маш их анхаарал татсан. Үзэгчидтэйгээ анх удаа биечлэн уулзах энэ удаагийн арга хэмжээнд Ким Же-вон яриа хэлэлцээ болон бусад төрөл бүрийн сонирхолтой хөтөлбөрүүдийг бэлджээ.

Олон бүтээлээрээ өөрийгөө таниулсан Ким Же-вон энэ удаагийн уулзалтаараа анх удаа фэнүүдтэйгээ шууд харилцахаар төлөвлөж байна. Тэрбээр камераны цаана байгаа жинхэнэ дүр төрх болон өмнө нь хэзээ ч харагдаж байгаагүй шинэхэн сонирхолтой талуудаа харуулахыг хүсч, фэнүүдтэйгээ уулзах мөчөө тэсэн ядан хүлээж байгаа юм.

/cykim@osen.co.kr

Солонгосын интернэт хэрэглэгчид "Тасалбар хурдан зарагдсан нь гайхах зүйл биш, би тэнд очихыг маш их хүсч байна!" "Фэн уулзалтыг тэсэн ядан хүлээж байна, тэр өөрийн жинхэнэ талыг харуулна гэж найдаж байна." хэмээн сэтгэгдэл үлдээжээ.