Алдартай тоглоомчин видеоблогч Сутак халдлагаас хойш анх удаа мэдэгдэл хийв: "Би бараг үхлээ"
Ойрын үед олон нийтийн анхаарлыг татсан алдартай солонгос тоглоомчин видеоблогч Сутак, зохион байгуулалттайгаар баривчилж, зодож, танхайрсан хэрэгт өртөөд байсан билээ. Тэрээр ар араасаа цуварсан халдлагын дараа анх удаа өөрийн биеийн байдлын талаар видеоблогдоо нийтэлжээ.
"Та бүхэн гэнэтийн мэдээнд ихэд санаа зовсон байх. Би одоо эмнэлэгт хэвтэн эмчлүүлж байгаа бөгөөд саяхан нүдний ясны хугарал дээрээ мэс засал хийлгэсэн" хэмээн Сутак бичжээ. "Тухайн үед мэдээ харсан хүмүүс мэднэ, намайг зодож, баривчилснаас хойш "одоо үхэх нь дээ" гэж бодож байсан ч, амьд сэрүүн байж, та бүхэнтэйгээ энэ тухай хуваалцаж чадаж байгаад үнэхээр азтай байна" хэмээн тэрээр нэмж хэлэв.
Тэрээр "Намайг аварч, эмнэлэгт авч ирэхэд авсан зургаа хараад, намайг ална гэж шийдсэн байж гэмээр болсон. Нүүр минь цусанд будагдсан байдал үнэхээр аймшигтай байсан" хэмээн хуваалцсан юм. "Хэдийгээр олон шарх, ул мөр үүрд үлдэх байх ч, цаг хугацаа өнгөрөх тусам сайжирна гэж найдаж байна. Та бүхний дэмжлэг, урам зориг, тусламж надад их хүч өгч, эрч хүчтэйгээр эдгэрч байна. Баярлалаа" гэв.
"Үнэн сэтгэлээсээ хэлэхэд, сэтгэл санааны хувьд одоо ч хүнд байна. Гэсэн хэдий ч би өмнөх шигээ болохын тулд хичээж байна. Надад өгөгдсөн ганц л амьдралыг тэр алуурчдын төлөө сүйрүүлэх боломжгүй. Би эцсээ хүртэл тэсэж, ялах ёстой" хэмээн тэрээр хэлжээ.
"Одоогийн байдлаар, би зөвхөн гэмт хэрэгтнүүд зайлшгүй хариуцлага хүлээхийг л хүсч байна. Би эрүүл болж эргэн ирэхийн тулд тасралтгүй эмчлүүлж байна. Бие болон сэтгэл санаа нь тодорхой хэмжээнд тайван болмогц эргэн ирнэ. Тэр хүртэл та бүхэн ч амар амгалан, эрүүл энх байхыг хүсье" хэмээн тэрээр нэмж хэлэв.
Өмнө нь мэдээлснээр, Инчон хотын цагдаагийн газраас 20-30 насны хоёр эрэгтэйг 30 гаруй настай "А" гэх видеоблогчийг Инчон хотын Сонгдо дахь орон сууцны барилгын доод зогсоол дээр баривчилж, зодож танхайрсан хэргээр шалгаж байна. Тэд "Мөнгийг нь төлнө" хэмээн А-г урьж аваад, бэлдсэн бэрээгээр цохиж, машиндаа суулган Чүннам мужийн Кумсан хот руу аваачсан болох нь тогтоогджээ. А нь хэргэлт хийхээсээ өмнө цагдаад хандаж, өөрийг нь заналхайрч байсныг мэдэгдсэн байжээ. Цагдаа нар шуурхай арга хэмжээ авч, CCTV болон машины ул мөрийг мөшгин, 3-р сарын 27-ны шөнийн 2:30 цагт Чүннам мужийн Кумсан хотод дээрх этгээдүүдийг баривчилсан байна. А-г олдох үед нүүрний хэсэгтээ хүнд гэмтэл авсан байсан ч, амь насанд нь аюулгүй байжээ. Цагдаагийн байгууллагын мэдээлснээр, А нь "Тэднээс авах мөнгө байсан" гэж мэдүүлэг өгчээ. Дараа нь "А"-гийн хэн болох талаар таамаглал их байсан ч, түүний харьяалагддаг "Sandbox Network" компани "Сутак мөн" гэдгийг баталж, түүний эрүүл мэндийн талаарх мэдээллийг хамтдаа хүргэсэн байна. Харин Сутак баривчилж, зодож танхайрсан 20-30 насны хоёр этгээдийг "Оргох эрсдэлтэй" хэмээн үзэж, батлан даалтанд гаргахгүй байхаар шийдвэрлэжээ.
Солонгосын интернэт хэрэглэгчид энэ хэргийг сонсоод маш их гайхаж, санаа зовнилоо илэрхийлжээ. Олон хүн Сутак-д хурдан эдгэрэхийг хүсч, гэмт хэрэгтнүүдэд хатуу шийтгэл оноохыг уриалж байна. "Ийм явдал болно гэдэгт итгэхгүй байна! Сутак хурдан эдгэрнэ гэж найдаж байна" хэмээн нэгэн хэрэглэгч сэтгэгдэл бичжээ. Бусад нь "Энэ гэмт хэрэгтнүүд шийтгэлээ хүлээнэ гэдэгт итгэж байна!" хэмээн нэмж байв.