Billlie хамтлаг дөрвөн жилийн ойгоо фэнүүдтэйгээ хамт тэмдэглэлээ

Billlie хамтлагийн дөрвөн жилийн ойг тэмдэглэх зорилгоор зохион байгуулсан мини фэн уулзалт амжилттай болж өндөрлөлөө.

Billlie хамтлагийн гишүүд болох Шиюн, Шен, Цукий, Мун Суа, Харам, Сухьон, Харуна нар арваннэгдүгээр сарын 10-нд Сөүлийн Мапогу дахь H-stage тайзнаа 'Homecoming Day with Belllie've' нэртэй фэн уулзалтыг хийж, дөрвөн жилийн хугацаанд тэдний туулж өнгөрүүлсэн замналыг фэнүүдтэйгээ хамт эргэн дурсав.

'Billlie-ийн төрсөн өдрийн үдэшлэг' хэмээх сэдэвтэй энэхүү фэн уулзалт нь гишүүд болон фэнүүдийг илүү ойр дотно байлгах зорилгоор олон төрлийн сонирхолтой буланг агуулсан байлаа. 'January 0th (a hope song)' дуугаараа уулзалтын эхлүүллээ.

Үүний дараагаар, тэд бялуугаа хуваалцаж, дөрвөн жилийн ойн баяраа фэнүүдтэйгээ хуваалцан, тайзнаа дулаахан уур амьсгалыг бүрдүүллээ. Дараа нь 'Billlie-ийн шуудан', 'Billlie-ийн цаг хугалцааны машин', 'Нэгдмэл зүрхний тэмцээн' зэрэг олон төрлийн тоглоом, буланг зохион байгуулж, хэсэг хугацааны дараа уулзаж буй фэнүүдээ хөгжөөв.

Тус арга хэмжээний үеэр Billlie хамтлаг өвлийн сэтгэлд хоногших 'snowy night' дуугаа дуулж, мөн дөрвөн жилийн ойн баярт зориулан бэлдсэн, хараахан гараагүй байсан 'cloud palace' шинэ дуугаа анх удаа сонсгож, үзэгчдийг гайхшруулсан. Сүүлийн нэг жилийн хугацаанд сонссон шинэ дуу нь дулаахан, мөрөөдөлтэй аялгуугаараа онцгой байлаа. Үзүүлбэрийн дараа 'Hi-bye' арга хэмжээгээр фэнүүдтэйгээ биечлэн уулзаж, талархлаа илэрхийлэв.

Үүнээс гадна, Billlie-ийн гишүүд ойрын үед бие даан болон хамтдаа эрчимтэй уран бүтээл туурвиж байна. Мун Суа, Шиюн нар Mystic Story-ийн ARrC хамтлагийн 'WoW (Way of Winning) (with Moon Sua X Suyeon)' дуунд дуу оруулж, шүлэг бичсэнээр өөрсдийн уран бүтээлийн цар хүрээгээ өргөжүүлсэн. Мөн Шиюн нь К-попыг сэдэвлэсэн Холливудын 'Perfect Girl' кинонд тоглож, дэлгэцийн бүтээлд анх удаа тоглохоор болсноор олон улсын үйл ажиллагаагаа өргөжүүлж байна. Ийнхүү өөрсдийн орон зайдаа идэвхтэй ажиллаж буй Billlie хамтлаг удахгүй болох бүрэн бүрэлдэхүүнтэйгээ эргэн ирэхдээ улам өргөн хүрээний уран бүтээлийг танилцуулах төлөвтэй байна.

Солонгосын интернэт хэрэглэгчид "Фэнүүдтэйгээ ийм сайхан цагийг өнгөрүүлсэн нь үнэхээр баярлууштай байна", "Billlie, 'cloud palace' шиг дууг олон гаргаарай!" "Удахгүй болох дахин эргэн ирэлтийг тэсэн ядан хүлээж байна" гэх зэргээр сэтгэгдэл үлдээж, тэдний үйл ажиллагааг дэмжиж байгаагаа илэрхийлжээ.