жүжигчин Ён У tvN-ийн шинэхэн "Яагаад бүсгүй гэдгийг нь мэдэхгүй байна уу?" кинонд тоглохоор болжээ
Жүжигчин Ён У дараагийн уран бүтээл болох tvN телевизийн шинэ драма "Яагаад бүсгүй гэдгийг нь мэдэхгүй байна уу?"-д тоглохоор болсон тухай 11-нд OSEN мэдээлэв.
Ён У-гийн агентлаг болох 9 Ato Entertainment компанийн зүгээс "Ён У "Яагаад бүсгүй гэдгийг нь мэдэхгүй байна уу?" кинонд тоглох санал аваад байна. Бид энэ бүтээлийг хэлэлцэж байгаа" хэмээн баталжээ.
"Яагаад бүсгүй гэдгийг нь мэдэхгүй байна уу?" драма нь БНСУ-ын тэргүүлэх компаниудын нэг болох "Тэ Гаң"-ийн гурав дахь үеийн өв залгамжлагч, эмэгтэй нарийн бичгийн алуур хэргийн гол сэжигтэн Юн И-жун ( жүжигчин Им Ши-ван)-ы болон онцгой байдлын газрын ажилтан, эрчүүдээс илүү хүчтэй, тулааны ур чадвартай "амьд зэвсэг" хэмээгддэг Кан Жэ-хи (жүжигчин Соль Ин-а)-гийн тухай өгүүлэх юм.
Ён У-д Ён У-д "Тэ Гаң"-ийн нүүр царай" хэмээн алдаршсан, гадаад төрх болоод чадвараараа гайхагдсан нарийн бичгийн дарга И Хе-жонгийн дүрийг санал болгожээ. Гэсэн хэдий ч тэрээр ажлаасаа харьсан хойноо 180 градус өөр дүр төрхийг харуулдаг байна. Хуулийн хэлтсийн өмгөөлөгч, хамтран ажиллагч Ким Ши-хён (жүжигчин Ким Чон-хён)-той үерхэх харилцаа үүсгэх тул энэ нь илүү их хүлээлт үүсгэж байна.
Сануулахад, Ён У 2016 онд MOMOLAND хамтлагийн гишүүнээр дебют хийсэн бөгөөд 2018 онд MBC телевизийн "Агуу их өдөөн хатгалга" драмаар жүжигчний гараагаа эхлүүлсэн. Тэрээр "Алт хулс", "Тоо: Математикийн шилдэг ой", "Бидний, Гэр", "Хамгийн муухай худал" зэрэг олон кинонд тоглож, авьяас чадвараа харуулсан.
Саяхан тэрээр JTBC телевизийн "Хатагтай О-гийн түүх" драманд Ча Ми-рёнгийн дүрд тоглож, анх удаа түүхэн жүжгийн төрөлд хүч үзэн, өөрийн хувь тавилантай, эргэлт бүхий дүрүүдийг чадварлаг бүтээж, өндрөөс өндөр магтаал авсан билээ.
Солонгосын интернэт хэрэглэгчид энэ мэдээг таатай хүлээж авчээ. Тэд "Ён У энэ дүрд маш зохицож байна, тэр гоо үзэсгэлэнтэйгээ адил авьяастай", "Им Ши-ван, Соль Ин-а нартай ямар хими үүсгэхийг тэсэн ядан хүлээж байна", "Түүний 'Хатагтай О-гийн түүх'-д бүтээсэн дүр гайхалтай байсан, жүжиглэх авьяас чадвараа дахин харуулна байх" гэж сэтгэгдэл үлдээжээ.