О Ён-сүгийн хэргийн шүүх хурал: Урьдчилсан ял шийтгэл нь цуцлагдаж, гэм буруугүй хэмээн үзжээ

Өмнөд Солонгосын алдартай жүжигчин О Ён-сүгийн бэлгийн хүчирхийллийн хэрэгт шүүх хурал хийж, эхний шатны шүүхийн шийдвэрийг хэвээр үлдээхгүй байхаар тогтлоо. Харин нэхэмжлэлийн шатны шүүх хэл ам дагуулсан хэргийг дахин хэлэлцээд, түүнийг гэм буруугүй хэмээн үзэж, өмнөх шийтгэлийг нь хүчингүй болголоо.

Шүүхээс "Хохирогч нь жүжигчний тэврэх саналд дурамжхан зөвшөөрсөн ч, тэврэлцэх үйлдэлд нь бол зөвшөөрөл өгсөн" гэж тайлбарлаад, "Цаг хугацааны явцад хохирогчийн ой санамж нь гуйвуулагдсан байх магадлалтай бөгөөд, хэрвээ эргэлзээтэй байдал үлдвэл яллагдагчийн талд үйлчлэх ёстой" гэж дүгнэлт гаргажээ.

Шүүх хурал дээр "Хохирогчийн мэдүүлэг нь гэмт хэрэг үйлдсэнийг батлахад хангалтгүй" бөгөөд, "Яллагдагч нь хохирогчдоо уучлал гуйсан нь үнэн боловч, энэ нь бэлгийн хүчирхийлэл үйлдсэнийг хүлээн зөвшөөрсөн гэж үзэхэд хангалтгүй" хэмээв.

Шүүх хурлын дараа О Ён-сү "Зөв шийдвэр гаргаж өгсөн шүүх хуралд талархаж байна" гэж хэлсэн бол, хохирогч болон эмэгтэйчүүдийн эрхийг хамгаалах байгууллагууд нь "Үнэнийг гутаан доройтуулсан, бэлгийн хүчирхийллийн тогтолцоог улам бэхжүүлсэн ичгүүртэй шийдвэр" хэмээн хатуу шүүмжилжээ.

Солонгосын нетизенчүүд энэхүү шүүхийн шийдвэрийг янз бүрээр хүлээж авчээ. "Энэ бол шударга бус шийдвэр" гэх зэрэг сэтгэгдлүүд байхад, "Яллагдагч өөрийн эрхээ олж авлаа" гэж дэмжсэн санал ч байв. "Гэм буруугүй гэдэг нь батлагдсан бол дахиад сайхан уран бүтээлүүдийг нь үзэхийг хүсч байна" гэж найдаж буй хүмүүс ч байлаа.