NewJeans хамтлагийн гишүүд Харин, Хеин нар ADOR-той үлдэхээр боллоо: Албан ёсны мэдэгдэл

NewJeans хамтлагийн шүтэн бишрэгчдэд баяртай мэдээ байна! Харин болон Хеин нар ADOR-той үргэлжлүүлэн хамтран ажиллахаа албан ёсоор баталгаажууллаа.

Тухайн компаниас мэдээлснээр, хоёр гишүүн ар гэрийнхэнтэйгээ болон компанитайгаа сайтар хэлэлцсэний эцэст шүүхийн шийдвэрийг хүндэтгэж, гэрээний үүргээ биелүүлэхээр шийдвэрлэсэн байна.

ADOR компани нь Харин болон Хеин нарыг цаашдын уран бүтээлдээ амжилттай ажиллахын тулд бүх талаар дэмжиж ажиллахаа амласан бөгөөд шүтэн бишрэгчдээсээ тэднийг халуун сэтгэлээр дэмжиж, тэдний талаарх таамаглалаас зайлсхийхийг хүссэн байна.

Солонгосын интернэт хэрэглэгчид энэ мэдээг сонсоод ихэд баярлаж, сэтгэл нь амарсан гэдгээ илэрхийлжээ. "Тэднийг үлдэх байлгүй гэж бодож байсан шүү!", "Аз жаргалтай байхыг нь хүсье", "Бууж өгөхгүй байгаад баярлалаа" гэсэн сэтгэгдлүүд олноор иржээ.