IVE хамтлагийн гишүүн Жан Вон-ён 13.7 тэрбум воноор тансаг харш худалдан авчээ

K-pop хамтлаг IVE-ийн гишүүн Жан Вон-ён Сөүлийн Ханнам-дон хотын Юен Вилледж дүүрэгт байрлах тансаг зэрэглэлийн харшийг 13.7 тэрбум воны үнээр худалдан авсан тухай үл хөдлөх хөрөнгийн салбарын мэдээллүүд болон Дээд шүүхийн бүртгэлээс өчигдөр /12-нд/ тодорхой боллоо.

Жан Вон-ён гуравдугаар сард Ханнам-дон дахь "Lucid House"-ийн 244м² талбай бүхий нэгэн айлын орон сууцыг 13.7 тэрбум воноор худалдан авсан байна.

Бүртгэлд ямар нэгэн зээлийн барьцаа байхгүй байсан тул тэрбээр бүх мөнгийг бэлнээр төлсөн гэж таамаглаж байна. Худалдагч нь DL Группийн хоёр дахь үеийнхэн болох асан Даерим Тонгшан компанийн гүйцэтгэх захирал Ли Жи-ён байсан аж.

Харин Жан Вон-ёнийн харьяалагддаг Starship Entertainment агентлагаас "Энэ бол хувийн асуудал тул тодруулах боломжгүй байна. Гэхдээ гэр бүлээрээ амьдрах зорилготой гэж ойлгож байна" хэмээн албан ёсны байр сууриа илэрхийлжээ.

Тус тансаг харш нь Ханнам-дон Юен Вилледжэд байрладаг бөгөөд Хан мөрөн болон Намсан уулыг зэрэг харах боломжтой, ердөө 15 айлтай учраас ховордсон газарт тооцогддог. Мөн 24 цагийн харуул хамгаалалт, хувийн лифттэй тул хувийн амьдралыг хамгаалах тал дээр давуу талтай юм.

Сонирхолтой нь, энэ харшид жүжигчин Ким Те-хи Рейнтэй гэрлэхээсээ өмнө амьдарч байсан гэдгээрээ алдартай.

2004 онд төрсөн Жан Вон-ён 2018 онд Mnet телевизийн "Produce 48" шалгаруулах тэмцээнд тэргүүн байр эзэлж, IZ*ONE хамтлагийн гишүүнээр ажиллаж байсан. IZ*ONE хамтлагийн үйл ажиллагаа дууссаны дараа Starship Entertainment-д шилжин IVE хамтлагийг байгуулсан билээ.

IVE хамтлаг саяхан буюу тавдугаар сарын 31-нээс зургаадугаар сарын 2-ны хооронд Сөүлийн KSPO DOME /Гимнастикийн ордон/-д "SHOW WHAT I AM" хэмээх хоёр дахь дэлхийн аялан тоглолтоо хийж өндөрлөлөө.

Солонгосын интернэт хэрэглэгчид Жан Вон-ёнийн амжилтад ихэд баяр хүргэж байна. "Ийм залуу насандаа амжилтад хүрсэн нь гайхалтай шүү!", "Ийм байртай болох гэж дээ", "Мөнгөө зөв удирддаг юм байна" гэх зэрэг сэтгэгдлүүд их байна.