Анхны виртуал уран бүтээлч Апоки 'Miracle' шинэ синглээ гаргалаа: H.O.T-ийн Кангта зохиолоо!

Солонгосын анхны виртуал уран бүтээлч Апоки (APOKI) өнөөдөр /14-ний өдөр/ өдрийн ц.ү.д өөрийн шинэ дижитал сингл 'Miracle'-аа цацлаа. Энэхүү шинэ уран бүтээлийг H.O.T хамтлагийн гишүүн, SMASHHIT-ийн ерөнхий продюсер Кангта (Kangta) зохиож, найруулсан байна.

'Miracle' нь дурлалын анхны мэдрэмжээс эхлээд, гайхамшиг мэт тодрон гарч ирэх хайрын агшин хүртэлх нарийн мэдрэмжийг харуулсан R&B баллад юм. Кангта нь дулаахан мэдрэмж болон мөрөөдөлтэй аялгууг хослуулж, онцгой бүтээлийг туурвижээ.

Өмнө нь бүжиг, поп, хип хоп зэрэг олон төрлийн хөгжмийг танилцуулж байсан Апокигийн хувьд R&B балладад хүч үзэж байгаа нь түүний уран бүтээлийн өргөн цар хүрээг харуулж байна. 'Miracle' дууны клип нь дулаахан гэрэл, мэдрэмжтэй дүрслэлийг ашиглан, бодит болон виртуал ертөнцийн хил хязгаарыг давсан Апокигийн ертөнцийг хайраар бүтсэн гайхамшгийг харуулсан байна.

Мөн Апоки өнөөдөр MBC телевизийн 'Virtual Live Festival with Coupang Play' нэвтрүүлгээр шинэ дуугаа анх удаа тайзнаа дуулах бөгөөд энэ нэвтрүүлгийг дараа нь Coupang Play-ээр VOD хэлбэрээр үзэх боломжтой юм.

2021 оны 2-р сард 'GET IT OUT' синглээр анхны дэбютээ хийсэн Апоки нь 3D дүрс болон тренд хөгжмөөрөө дэлхий даяар 5 сая гаруй дагагчтай болсон БНСУ-ын анхны виртуал уран бүтээлч юм.

'Miracle' шинэ дуу нь өнөөдөр о.д.орчим Melon, Genie Music, FLO зэрэг томоохон хөгжмийн сайтуудаар сонсогчдын хүртээл болж байна.

Солонгосын интернэт хэрэглэгчид Апокигийн шинэ дуу 'Miracle'-д ихэд таалагдсан бөгөөд түүний дууны төрөл зүйлээс хамааралгүй чадварлаг байдлыг магтаж байна. Кангтатай хамтран ажилласан явдал нь "түүх болон ирээдүй хоёрын төгс холбоос" хэмээн магтаалд байна.