MAMAMOO-ийн гишүүн Мунбёль "S.O.S" нэрийн шинэ синглээ гаргаж, Азийн аялан тоглолтоо эхлүүлнэ!

MAMAMOO хамтлагийн гишүүн Мунбёль хайрандаа тусламжийн дуудлага илгээж байна. Өнөөдөр /14-ны өдөр/ 18:00 цагт тэрээр "S.O.S" дижитал синглээ бүх хөгжмийн платформд цацлаа.

"S.O.S" дуу нь хайртай хүндээ чин сэтгэлээсээ тусламж хүссэн илгээмж бөгөөд, нэг талын хайрын сэтгэлийг рок хөгжмийн хэмнэлтэйгээр илэрхийлсэн бүтээл юм. Дууны эхэнд сонсогдох уянгын гитарын аялга нь, дуучин Мунбёлийн эрч хүчтэй хоолой, найрал хөгжмийн динамик аялгуутай нийлэн, хайртай хүндээ чиглэсэн сэтгэл хөдлөлийг асар хурдтайгаар улам бүр нэмэгдүүлж буйг харуулна.

Үүнээс гадна, синглээ гаргасны дараа буюу 24-ний өдөр 12:22 цагт Мунбёль өөрийн албан ёсны YouTube сувгаараа "S.O.S" дууны селф-кем видеог гаргана. Энэхүү видео нь түүний өөрийн гэсэн гэрэл гэгээтэй, эерэг энерги, чөлөөтэй зан чанарыг бүрэн харуулна хэмээн хүлээж байна.

Түүнчлэн, Мунбёль 22-23-ны өдрүүдэд Сөүл хотын KBS Arena-д "Moon Byul CONCERT TOUR [MUSEUM : village of eternal glow]" Азийн аялан тоглолтоо эхлүүлэх гэж байна. "Үүрд гэрэлтэх тосгон" хэмээх сэдэвтэй энэхүү тоглолтын үеэр фэнүүд нь Мунбёлийн дурсамж, сэтгэл хөдлөлийг тосгоны өнцөг булан бүрд байрлах түүхэн зүйлсээр дамжуулан мэдэрч, онцгой аяллын гэрч болно.

Сөүл хотоос эхлэн, 12-р сарын 6-нд Сингапур, 12-р сарын 14-нд Макао, 12-р сарын 20-нд Гаосюн, 2026 оны 1-р сарын 17-18-ны өдрүүдэд Токио, 1-р сарын 24-нд Тайпей хотуудад аялан тоглолтоо үргэлжлүүлэх юм. Мунбёль "MUSEUM"-даа өөрийн өргөжин тэлж буй хөгжмийн ертөнцөө фэнүүдтэйгээ хамт байх хамгийн гэрэл гэгээтэй мөчүүдийг цуглуулна.

Солонгосын интернэт хэрэглэгчид шинэ дуу, аялан тоглолтын талаар маш их сэтгэгдэл үлдээжээ. "Мунбёлийн шинэ дуу үнэхээр гайхалтай байна!", " MUSEUM-ын тоглолтыг тэсэн ядан хүлээж байна!" хэмээн баяр хөөрөө илэрхийлжээ.