Жүжигчин Ли Ён-э Тайландын оюутныг хүндэтгэлтэйгээр дэмжинэ

Алдарт жүжигчин Ли Ён-э нь Солонгос хэл сурч байгаад тархины цус харвалт өвчнөөр унасан Тайланд оюутанд туслах зорилгоор хандив өргөжээ.

14-ний өдрийн Йонхап агентлагийн мэдээлснээр, Чоннам их сургуульд суралцаж байгаад тархины цус харвалт өвчнөөр унаж, гурван сар хэвтэрт байгаа Тайланд оюутан Сириня хатагтайг эх оронд нь буцаахад туслах зорилгоор Ли Ён-э 10 сая воныг хандивласан байна.

Чоннам их сургуулийн хэлний боловсролын төвд Солонгос хэл сурч байсан Сириня хатагтай долоодугаар сард байрандаа ухаангүй байдалд байсныг олж, тархины дор хальсны цус хуралт гэсэн оноштой болж, одоог хүртэл ухаангүй байдалд эмчилгээ хийлгэж байна.

Эдийн засгийн хүндрэлтэй байдлаас болж эмчилгээ, эх орондоо буцах боломжгүй болсон тухай мэдээлэл гарсны дараа, Чоннам их сургуулийн «Ритм оф Хоуп» (Rhythm of Hope) нэртэй буяны клубын оюутнууд, багш нар санаачлан мөнгө цуглуулах аян эхлүүлжээ. Анх төлөвлөсөн зорилгоос хамаагүй илүү мөнгө цугласан байна. Жүжигчин Ли Ён-э ч энэ аянд 10 сая воныг хандивлаж дэмжсэн байна.

Ли Ён-э хандивын талаар «Ритм оф Хоуп»-д хандаж, «Оюутнууд ийм сайхан зүйл хийж байгалд нь би харин ч баярлаж байна» гэж хэлсэн байна.

Солонгосын интернет хэрэглэгчид жүжигчин Ли Ён-эгийн энэрэнгүй сэтгэлийг магтаж, түүнийг "тэнгэр элч", "гадаад төрхөөрөө төдийгүй сэтгэлээрээ ч жинхэнэ гоо үзэсгэлэнтэй хүн" хэмээн магтжээ. Түүнчлэн, энэ үйлдэл нь бусдад туслах хүсэл эрмэлзэлтэй хүмүүст урам зориг өгсөн гэж олон хүн онцолсон байна.