Girl's Day хамтлагийн гишүүн асан жүжигчин Хє-ри: "30 наснаас хойш жил болгон өөр болдог юм байна"

Алдарт "Girl's Day" хамтлагийн гишүүн асан, жүжигчин Хє-ри (Hyeri) өөрийн биеийн байдал болон нас ахиж буйтай холбоотой шинэ сорилтуудын талаар хуваалцжээ.

Саяхан тэрээр Шанхай, Чинтао хотуудаар хийсэн аялалынхаа тухай YouTube видеондээ өөрийн таагүй байдлаа илэн далангүй өгүүлсэн байна.

"Өмнө нь би хаана ч унтаж чаддаг байсан, унтах газар хүртлээ явах тэнхэлгүй байсан ч унтчихдаг байлаа. Гэхдээ одоо... би бараг л тэнхэлгүй болчихлоо" хэмээн жүжигчин ярьж, өөрийн сул дорой байдлаа харуулжээ.

Тэрээр 10-р сарын цагийн хуваарь ямар дүүрэн байгааг харуулж, "Энэ бол боломжгүй зүйл! Одоогийн миний биеийн байдал яг л ийм байна" хэмээн хатаж ширгэсэн ургамлыг үзүүлжээ.

"Намайг эд нар "Хє-ри, 30 наснаас хойш жил болгон өөр болдог юм. Чи үүрд мөнх хийх юм шигээ бодож байгаа байх, гэхдээ 30 нас хүрээд үз" гэж хэлдэг байсан. Энэ миний төсөөлөл үү, эсвэ үгүй юу мэдэхгүй нь, гэхдээ би үнэхээр хүнд байна" хэмээн хуваалцсан юм.

Хє-ри глютатион, кеокрокго, нэлээд хэмжээний жүүс, коэнзим, В витамин, магнези зэрэг олон төрлийн витамин, нэмэлт тэжээлүүдийг үзүүлж байлаа. "Эдгээргүйгээр би явахгүй нь. Би эмийн замаар амьдарч байна" гэж тэр нэмж хэлжээ.

Гэхдээ тэрээр эмийн оронд амралт хэрэгтэй гэсэн дүгнэлтэд хүрчээ. "Надад эмийн оронд амралт хэрэгтэй болов уу. Би ирэх долоо хоногт аялалд явна. Энэ хуваарийг анх гаргаад л би заавал явах ёстой гэдгээ мэдсэн" хэмээн тэр Шанхай, Чинтаод хийсэн аяллынхаа талаар ярьжээ.

Солонгосын нетизэнчүүд Хє-рид өрөвдөлтэй хандаж, нас ахих болон эрчимтэй ажлын хуваарьтай холбоотой байдлыг ойлгомжтой гэдгийг тэмдэглэжээ. Олон хүн түүнд илүү амрах, өөрийгөө хэт их ачааллахгүй байхыг зөвлөж, хурдан эрүүлжихэд нь амжилт хүссэн байна.