Ж.Лингардын К-Лигийг сонгосон шалтгаан: “Намайг харахаар 12 цаг нисч ирсэн шүү дээ!”

Өмнөд Солонгосын алдартай “Намайг амьдардаг” (I Live Alone) хөтөлбөрт хөлбөмбөгийн од Жесси Лингард Солонгост амьдрах болсон шалтгаанаа анх удаа хуваалцлаа.

Хөтөлбөрт тэрээр Солонгост амьдраад 2 жил болж байгаагаа дурдаад, хөтлөгч Киан84 түүнийг “Яагаад Европын шилдэг клубуудыг орхиод К-Лигийг сонгосон бэ?” хэмээн сонирхож асуужээ.

Үүнд Лингард “Европ болон дэлхийн бусад газраас ирсэн санал ихэнхдээ 6 сар эсвэл 1 жилийн хугацаатай байсан. Харин ФК Сөүл клубын төлөөлөгчид Манчестер хүртэл ирж, намайг урт хугацааны гэрээ хийхийг урьсан” гэж хариулсан байна. Тэрээр нэмж хэлэхдээ, “Тэдний надад 2+1 жилийн сонголттой санал тавьсан. Миний төлөө 12 цаг нисч ирсэн шүү дээ!” хэмээн онцолжээ.

Солонгосын интернэт хэрэглэгчид Лингардын энэ ярилцлагыг өндрөөр үнэлж, “Клубын зүгээс үнэхээр том хүндэтгэл үзүүлжээ”, “Одоо л ойлголоо, тэр бол онцгой тоглогч!” гэх зэрэг сэтгэгдлүүд бичжээ.