Сингапурт дахь "Wicked" киноны нээлтэд Ариана Гранде руу дайрав, фэн нь баригджээ

Сингапурт "Wicked: For Good" киноны нээлт дээр поп дуучин Ариана Гранде руу дайралт хийсэн хэргийн улмаас нэгэн фэн баригдсан тухай гадаад хэвлэлүүд мэдээлжээ.

"Page Six" болон бусад хэвлэлүүдэд мэдээлснээр, 26 настай Жонсон Вэн хэмээх Ариана Грандегийн хэт туйлширсан шүтэн бишрэгч нь "Wicked" киноны нээлтэд жүжигчний өөдөөс гүйж очин, олон нийтийг үймүүлсэн байна. Үүний улмаас түүнийг олон нийтийг үймүүлсэн хэргээр барив.

Ариана Гранде шар килем дээр хамтлагийнхантайгаа алхаж байх үед гэнэт гүйж ирсэн этгээдээс айж, цочирдсон нь зурганд буужээ. Хэдийгээр Вэнг одоогоор сулласан ч ирэх даваа гарагт шүүх хуралд оролцох ёстой.

Энэхүү явдал нь Ариана Грандегийн сэтгэл зүйн байдалд нөлөөлж, тэрээр 2017 онд Их Британийн Манчестер хотод болсон тоглолтын үеэр амиа золиодолсон бөмбөгдөгчийн халдлагаас хойш PTSD (сэтгэцийн цочролын дараах эмгэг) -аар шаналж байсан тул санаа зовоосон асуудал болоод байна.

"Тэр өөрийгөө тайвшруулахыг хичээж байна, гэхдээ түүний бодол шууд хамгийн муу зүйлийг бодож эхэлдэг" гэж нэгэн эх сурвалж хэлжээ. "Хэн нэгэн гэнэт ойртож эсвэл түүн рүү гүйж ирэхэд энэ нь түүнийг хөдөлгөдөг. Энэ нь бараг л PTSD шиг, түүний оюун санаа шууд хамгийн муу хувилбар руу шилждэг".

Эх сурвалж нэмэхдээ, "Ариана Манчестер дахь халдлагын улмаас одоо ч айдаст автдаг бөгөөд бүх зүйлээ орхиж, нууцлаг амьдрал руу орохыг хүссэн" гэв.

Дайралт хийсэн эр нь өмнө нь Кэти Пэрри, The Weeknd зэрэг бусад одод руу дайралт хийж байсан удаатай бөгөөд дараа нь өөрийн цахим хуудсандаа "Ариана Гранде, тантай шар килем дээр хамт гүйж орох боломж олгосон танд баярлалаа" гэсэн бичлэг, видео үлдээжээ.

Монголын интернэт хэрэглэгчид энэ явдлыг эрс шүүмжилж, "Алдартнууд амар амгалан ажиллаж чадахгүй нь харамсалтай!" хэмээн сэтгэгдэл бичжээ. "Ариана Гранде эрүүл саруул байхыг, энэ явдал түүний эрүүл мэндэд сөргөөр нөлөөлөхгүй байхыг хүсье" гэж нөгөө нэг нь бичжээ.