И Сан-сун, Ли Хё-ри нараар хамт амьдардаг Пхёньчхон-дун дахь гэрээ олон нийтэд дэлгэлээ

Дуучин И Сан-сун эхнэр, алдарт жүжигчин Ли Хё-ритойгоо хамт амьдардаг Пхёньчхон-дун дахь гэрээ олон нийтэд дэлгэлээ. Өнгөрсөн сарын 14-нд И Сан-сун "Одоо" хэмээх тайлбартайгаар тэдний амьдралын тухай хэд хэдэн зургийг хуваалцжээ.

Зургуудад И Сан-сун, Ли Хё-ри хоёрын амьдардаг Пхёньчхон-дуны байшин харагдана. Зочны өрөөний буйданд таван хайртай нохой нь тухлан сууж байна. Мөн бусад ноход нь гал тогооны өрөөний зуухны өмнө сууж эсвэл хэвтэж амрангаа дулаахан орчныг мэдэрч байв.

Дулаан уур амьсгал бүрдүүлсэн энэхүү гэр нь Ли Хё-ри, И Сан-сун хоёрт сэтгэлийн амар амгаланг бэлэглэж буй нь харагдана. Тэд 2013 онд гэрлэснийхээ дараа 11 жил орчим Чежу аралд амьдарсан бөгөөд өнгөрсөн оны сүүлчээр Сөүл рүү нүүж, Сөүл хотын Чонно гу, Пхёньчхон-дунд байрлах 6 тэрбум воны үнэтэй хаусыг бүхэлд нь бэлнээр худалдан авсан гэдэг.

Солонгосын интернэт хэрэглэгчид "Гэр нь маш тохь тухтай харагдаж байна, ийм газар амьдрахыг хүснэ шүү!", "Бүх нохой нь маш аз жаргалтай, тайван харагдаж байна", "Ли Хё-ри, И Сан-сун бол жинхэнэ мөрөөдлийн хос, тэдний амьдрал төгс харагдаж байна" гэх зэрэг сэтгэгдлүүдийг үлдээжээ.