SHINee хамтлагийн Тэмин "The Kelly Clarkson Show"-д урилгаар орж, АНУ-д гала тоглолтоо хийнэ

Алдарт K-pop хамтлаг SHINee-ийн гишүүн, соло уран бүтээлч Тэмин (Taemin) АНУ-ын нэр хүндтэй "The Kelly Clarkson Show" нэвтрүүлэгт уригдсан тухай түүний "Big Planet Made Entertainment" агентлагаас мэдэгдлээ. Тэминий тоглолт энэ арваннэгдүгээр сарын 21-нд (АНУ-ын цагаар) NBC телевизээр цацагдана.

"The Kelly Clarkson Show" нь Грэмми, Эмми шагналт, дэлхийн хэмжээний дуучин Келли Кларксоны хөтөлдөг нэвтрүүлэг юм. Тэмин энэ удаад саяхан гаргасан "Veil" нэртэй шинэхэн синглээ тоглох бөгөөд уг дуу нь гарсны дараа АНУ-ын Billboard "World Digital Song Sales" чартад 3-т бичигдсэн юм.

Үүнээс гадна, Тэмин нь 2026 оны дөрөвдүгээр сард болох дэлхийн хамгийн том хөгжмийн наадам "Coachella Valley Music and Arts Festival"-д K-pop эр залуу уран бүтээлчдээс цорын ганц төлөөлөл болж оролцохоор болсон нь түүхэн үйл явдал юм. Тэрээр мөн ирэх оны нэгдүгээр сарын 16-нд АНУ-ын Лас Вегас дахь "Dolby Live at Park MGM"-д "TAEMIN LIVE [Veil] in Las Vegas" тоглолтоо хийнэ.

Одоогийн байдлаар Тэмин "2025 TAEMIN ARENA TOUR 'Veil'" нэртэй Японы томоохон аялан тоглолтоо амжилттай хийж яваа бөгөөд "2025 New York Korean Wave Expo"-гийн элчин сайдаар ажиллаж, дэлхий даяар идэвхтэй уран бүтээлээ туурвиж байна.

Солонгосын интернэт хэрэглэгчид Тэминий АНУ дахь амжилтыг ихэд сайшааж, "Тэмин АНУ-ын тайзнаа! Энэ бол гайхалтай", ""Veil" дууг "The Kelly Clarkson Show"-д сонсох хүлээлт өндөр байна", "Манай улсаа дэлхийд төлөөлж буйдад нь баярлалаа" зэрэг сэтгэгдлүүд үлдээжээ.