K-pop одруудыг гүтгэсэн '탈덕수용소' блогер давж заргалдаг боллоо
IVE хамтлагийн гишүүн Жан Вон-ён тэргүүтэй алдартай K-pop оддыг харлуулсан худал видео цацаж, асар их ашиг олсон "탈덕수용소" ("Талдоксуёнсо") сувгийн эзэн "A" анхан шатны шүүхийн шийдвэрийг эсэргүүцэн гомдол гаргажээ.
15-ны өдөр мэдээлснээр, "A" нь "Мэдээлэл, харилцаа холбооны сүлжээг ашиглах, мэдээлэл хамгааллыг дэмжих тухай хууль"-ийн дагуу нэр төрөө гутаасан, доромжилсон хэргээр буруутгагдан шүүхэд шилжсэн бөгөөд түүний өмгөөлөгч өчигдөр Инчон хотын шүүхэд давж заалдах өргөдөл гаргасан байна.
Давж заалдах шатны шүүхээс "A"-д анхны шатны шүүхтэй адил 2 жилийн хорих ял, 3 жилийн тэнсэн харгалзах хугацаа, 210 сая воны нөхөн төлбөр ногдуулсан. Мөн 120 цагийн нийтэд тустай ажил хийхийг даалгасан.
Шүүх "Анхан шатны шүүхээс бүх нөхцөл байдлыг хангалттай авч үзсэн бололтой" хэмээн тайлбарлаж, "Ялын нөхцлийг харахад анхны ял хэтэрхий хүнд эсвэл хөнгөн байдлыг илтгэхгүй байгаа тул яллагдагч болон прокурорын давж заалдах гомдлыг хүлээн авахаас татгалзлаа" гэсэн дүгнэлт хийжээ.
"A"-гийн давж заалдах гомдлын үндэслэл нь ялын тогтоол хэтэрхий хатуу, нөхөн төлбөрийн шаардлага үндэслэлгүй гэж үзсэн явдал байжээ.
Өмнө нь "A" нь 2021 оны 10-р сараас 2023 оны 6-р сар хүртэл өөрийн "탈덕수용소" YouTube сувгаараа дамжуулан 7 алдартай хүмүүсийн, тэр дундаа уран бүтээлчид, нөлөөлөгчдийн нэр төрийг гутаасан 23 видео нийтэлж, нэр төрөө гутаалгасан хэргээр яллагдсан юм.
Үүнээс гадна, Жан Вон-ён "A"-г эсрэг гаргасан нэхэмжлэлийн хэрэгт шүүхээс "A"-г Жан Вон-ён-д 50 сая вон төлөхийг үүрэгджээ.
Мөн "A" нь Кан Даниэлийг гүтгэсэн хэргээр 10 сая воны торгууль авч, нэхэмжлэлийн хэрэгт 30 сая воны нөхөн төлбөр төлөхөөр болсон. Үүнээс гадна BTS хамтлагийн гишүүд болох V, Жүнгүүк нарт 76 сая воны нөхөн төлбөр төлөхөөр болсон байна. Харин "A" эдгээр шийдвэрүүдийг ч мөн эсэргүүцэн давж заалдах гомдол гаргаад байгаа аж.
Солонгосын интернэт хэрэглэгчид "A"-гийн давж заалдах гомдлыг эсэргүүцэн шүүмжилж байна. "Түүний үйлдсэн гэм буруу нь тодорхой байхад яагаад өмгөөлүүлж, дахин гомдол гаргаад байгаа нь ойлгомжгүй", "Оддын нэр төрийг бодох хэрэгтэй" зэрэг сэтгэгдлүүд их байна.