YouTube суваг нь сэргээгдсэний дараа загвар өмсөгч Хан Хе-жин тансаг брэндний цүнхнүүдээ дэлгэн үзүүлэв

Алдарт загвар өмсөгч, телевизийн хөтлөгч Хан Хе-жин өчигдөр буюу арвангуравдугаар сарын 13-нд өөрийн 860 мянган дагагчтай YouTube сувгаа нээснээ зарлаж, тансаг зэрэглэлийн цүнхнүүдээ танилцуулсан шинэ видеон нийтэлжээ. Суваг нь хулгайд өртсөн байсан юм.

"Суваг хулгайд өртсөний дараа хувцасны шүүгээгээ эмхэлсэн нь" хэмээх гарчигтай видеонд тэрээр "Та бүхэндээ мэнд хүргэе. Өнгөрсөн хэдхэн хоног жил шиг санагдлаа. Олон хүмүүс санаа тавьж, дэмжсэний ачаар түргэн хугацаанд сэргээж чадлаа. Энэ видеонд долоо хоногийн Мягмар гаригт байрлуулахаар төлөвлөж байсан юм (Сувгийг сэргээх хугацаанд ойлголт өгсөн Шанель компанид ч мөн талархал илэрхийлье)" хэмээн тайлбарлажээ.

Тэрээр "Би хувцасны зах зээлд бэлтгэл хийхээр хувцасны шүүгээгээ эмхэлж байхдаа өмнө нь худалдаж авсан зүйлсээ анзаарч байлаа. Ямар ч зүйл шиг, сайн худалдаж авч, сайн өмсдөг "сайн авсан зүйлс" байсан шиг, "будаа болсон зүйлс" ч их харагдсан. Тиймээс энэ удаагийн контентыг бэлтгэлээ! Миний хувцасны шүүгээнд ямар зүйлс байгаа болдоо?" хэмээн асуув.

Хан Хе-жин "Загвар өмсөгч хүн гэхэд хувцас тийм ч ихгүй. Би хувцас, загварыг хайрладаг ч хувцаснаас илүү архинд их мөнгө зарцуулдаг. Хувцас авах мөнгөө бүгдийг нь уучихсан. Одоо юу ч үлдсэнгүй" гэв.

Тэрээр "Цүнхнүүдээ цэгцэлж байхад, цүнх худалдаж авах үеийн өөрийгөө маш их санаж байлаа. Энэ цүнхийг авахдаа би тэр хүнтэй танилцсан, энэ цүнхийг авахдаа ийм ахтай болзож байсан" хэмээн хөхрөн ярив.

Анхны Шанель цүнхнийхээ тухай ярихдаа, тэрээр "Би Нью-Йорк, Милан, Парис, Лондон зэрэг газруудад ажиллаж байхдаа анх Парисын Шанель шоунд оролцож байсан үеэр анхны Шанель цүнхээ худалдаж авч байсан юм. Тэр үед загвар өмсөгчөөр батлагдсаны дараа загвар өмсөхөөр явсан ч эцсийн шатнаас хасагдах нь энгийн үзэгдэл байдаг. Тэр үед одоо байхгүй болсон, нэр хүндтэй загвар зохион бүтээгч Карл Лагерфельдтэй сүүлийн шатны хувцаслалтын шалгаруулалтаа хийсний дараа тайвшран Камбон гудамж дахь Парисын Шанель төв байранд орж анхны Шанель цүнхээ худалдаж авсан. Тэр цүнх одоо найздаа байгаа. Хэрвээ тэр хэрэглэхгүй бол надаа өгөөч гэж хэлсэн" гэв.

Хоёр дахь Шанель цүнхээ гаргаж ирээд, "Би үүнийг одоогийн үнээс 40 орчим хувь хямд авсан байх. Гэхдээ энэ маш хүнд учир би зүүдэггүй. Одоохондоо гэртээ хадгалж байна. Хамаатны дүү маань том болохоороо өвлүүлнэ дээ" гэж хэлжээ.

Солонгосын интернэт хэрэглэгчид Хан Хе-жингийн суваг эргэн сэргэсэнд ихэд баярлаж байгаагаа илэрхийлжээ. "Суваг сэргээгдсэнд маш их баяртай байна!", "Худалдан авалтын талаарх шударга байдалд нь баярлалаа, маш бодитой байна!" болон "Дараагийн видеонд нь тэсэн ядан хүлээж байна!" гэх зэрэг сэтгэгдлүүд ихээхэн байлаа.