Хоёр дахь хүүхдээ төрүүлсний дараах Ли Ха-нигийн шинэхэн гэрэл зураг: "Дээд давхар байшингийнхан" киногоо сурталчлахаар бэлэн боллоо!

Алдарт жүжигчин Ли Ха-ни хоёр дахь хүүхдээ өлгийдөж авсны дараа удалгүй шинэ уран бүтээлээ сурталчлахаар албан ёсоор ажилдаа орсон байна.

Есдүгээр сард хоёр дахь хүүхдээ төрүүлсэн тэрээр арванхоёрдугаар сарын 3-нд нээлтээ хийх "Дээд давхар байшингийнхан" (윗집 사람들) киногоо сурталчлахаар идэвхтэй оролцож эхэлжээ. Арваннэгдүгээр сарын 15-ны өдөр жүжигчин өөрийн сошиал хуудсандаа "Дээд давхар байшингийнхан" киногоо сурталчлахаар гарсан зургаа оруулж "Сүүлийн зураг "mg-cut" буюу залуучуудын стилийн зураг гэж бодож авсан. Энэ зүгээр үү?" хэмээн тайлбар хийсэн байна.

Түүний нийтэлсэн зураг дээр жүжигчин Ли Ха-ни анхны төрхөө аль хэдийнэ бүрэн сэргээж, уран бүтээлчийн хувиар байр байдлыг эзэмдэж, мэргэжлийн чадвараа харуулж байлаа. Шорт, оверсиз цамц, бэйсбол малгайтай энэхүү энгийн атлаа загварлаг хувцаслалт нь түүний гоо үзэсгэлэнг улам тодотгож байв.

Ялангуяа хоёр дахь хүүхдээ төрүүлснээс ердөө 3 сар гаруйн дараа ийм хурдан жин хасч, өмнөх төрхөндөө орж чадсан нь олон хүний анхаарлыг татсан байна. Түүний чанга бие, өхөөрдөм инээмсэглэл, хонх шиг инээд нь үзэгчдийг баярлуулж байгаа нь илт байлаа.

"Дээд давхар байшингийнхан" киноны нээлтийг арванхоёрдугаар сарын 3-нд хийх бөгөөд одоогоор киноны сурталчилгаа эрчимтэй явагдаж байна.

Солонгосын интернэт хэрэглэгчид түүнийг хурдан эргэн ирсэнд нь баяр хүргэж, "Үнэхээр гайхалтай харагдаж байна!", "Ээж болсон ч гоо үзэсгэлэнгээ алдаагүй байна" хэмээн магтаж байна. Мөн жүжигчин Ли Мин-жон "Энэ бол M-cut биш, харин ээжийн cut (애미컷) байна" хэмээн сэтгэгдэл үлдээж, инээд бэлэглэжээ.