Дуучин Ын Га-ын, Пак Хён-хо нар хүүхдийнхээ хүйсийг анх удаа зарлалаа!

БНСУ-ын алдартай дуучин Ын Га-ын болон түүний нөхөр, дуучин Пак Хён-хо нар удахгүй төрөх хүүхдийнхээ хүйсийг анх удаа олон нийтдээ дэлгэжээ.

Гэрлээд зургаан сар болж буй хос KBS 2TV сувгийн "Immortal Songs" нэвтрүүлэгт оролцож, сэтгэл хөдлөм мэдээллээ хуваалцсан байна.

Нэвтрүүлэг хөтлөгч Ли Чан-вон тэднийг ханилан сууснаас хойшх амьдралын талаар асуухад, Ын Га-ын нөхрийнхөө гэрийн ажил хийхдээ удаан байдаг тухай хошигножээ.

Тэд нэвтрүүлгийн үеэр анх удаа ургийн бичлэгийг үзүүлж, жирэмсэн болсноо батлан хэлсэн байна. Тэд хүүхдээ "Ын-хо" хэмээн нэрлэсэн нь хоёулаа нэрийн үсгүүдийг нийлүүлсэн нэр аж.

Одоо жирэмсний зургаан сартай Ын Га-ын, хуримаа хийсэн даруйдаа хүүхэдтэй болохоор төлөвлөж байснаа хуваалцлаа.

Эцэст нь, Пак Хён-хо бахархалтай нь аргагүй "Бидний гүнж байх болно" хэмээн хэлжээ.

Солонгосын интернэт хэрэглэгчид хосыг энэхүү гайхалтай мэдээгээр нь чин сэтгэлээсээ баяр хүргэж байна. Олон хүн "Ын Га-ын баяр хүргэе! Охин чинь эрүүл энх бойжиг!" болон "Та нар ийм аз жаргалтай байхыг харах сайхан байна!" гэж сэтгэгдэл үлдээжээ.