Өмнөх "Амьдралын үнэний рап"-аа дурссан Уно Юнхо

K-pop ертөнцийн алдарт TVXQ! хамтлагийн гишүүн Уно Юнхо саяхан KBS Cool FM сувгийн "Пак Мьон Сугийн радио шоу" нэвтрүүлэгт оролцохдоо өөрийн түүхэн дэх нэгэн сонирхолтой мөчийг хуваалцсан нь олны анхаарлыг татжээ.

"Шилдэгүүдийн шилдэг" нэртэй булангийн үеэр Уно Юнхогийн өмнө нь олонд "амьдралын үнэний рап" нэрээр танигдсан тэрхүү мөчийг дахин сөхөн авчээ. Тэрээр "Би "Happy Together" нэвтрүүлэгт байхдаа H-Yoo Jin ахтай хамт орж байсан юм. Гэнэт надад реп хий гэсэн. Би энэ тухай бодоогүй байсан ч, "Амьдралын үнэн шүү дээ" гэж хэлсэн чинь философийн агуулгатай болж, мем болчихсон. Одоо өөрөө сонссон ч би сайн реп хийж чаддаггүй байж дээ гэж бодогддог" хэмээн ярьсан юм. Нэвтрүүлэгч Пак Мьон Су үүнийг нь "Хурдан хугацаанд хийсэн учраас тэр байлгүй дээ" хэмээн урам өргөжээ.

Мөн тэрээр "Чханмин, төрсөн өдрийн мэнд хүргэе" хэмээх өөр нэгэн алдартай мемийн тухай дурсан ярихдаа, "Энэ KBS "Music Bank" дээр болсон юм. Тэр үед Чханминий төрсөн өдөр байсан. Түүнийг баярлуулахыг хүссэн. Чханмин ичдэг байсан ч би үнэхээр чин сэтгэлээсээ хийсэн. Цаг хугацаа өнгөрөхөд ийм зүйлс дурсамж болдог юм билээ" гэжээ.

Пак Мьон Су "Тухайн үедээ ичмээр санагдсан ч, цаг хугацаа өнгөрөхөд баяр баясгалантай дурсамж болдог" хэмээн онцолж, Уно Юнхо "Түүнээс хойш би "баяр хүргэгч" болж, хаа явсан газар минь юуг ч байсан баярлуулж өгөөч гэж гуйдаг болсон шүү" хэмээн хошигножээ.

Солонгосын интернэт хэрэглэгчид "Уно Юнхо бол мемийн амьд домог шүү!", "Түүний энгийн байдал үргэлж сэтгэлд хүрдэг" хэмээн халуун дотно сэтгэгдэл үлдээжээ.