«Биеэ даагчдийн реалити шоу «Би ганцаараа»-ын 28-р ангийн оролцогч Ён-жа гэрлэх гэж байна!

SBS Plus, ENA телевизийн «Би ганцаараа» (나는 솔로) реалити шоуны 28-р ангийн оролцогч Ён-жа, Ён-чөл нар гэр бүл болохоо зарлалаа.

Ён-жа өнгөрсөн арваннэгдүгээр сарын 16-нд өөрийн инстаграм хуудсандаа «Гэнэтийн гэрлэлтийн санал хүлээн авлаа…» хэмээх бичлэгийг нийтэлжээ. Тэрээр «Миний цүнхийг чирсэн залуу миний хувь тавилан байлаа… Чимэглэх, гайхуулахыг мэдэхгүй ч гэсэн, анхнаасаа чин сэтгэлтэй эр байжээ» хэмээн бичсэн байна.

Ён-жа мөн «Би 15 жил ганцаараа хүүхдээ өсгөсөн. «Би ганцаараа» шоуны дараа надад ийм харилцаа үүссэнд олон зуун удаа эргэлзэж, бодож явсан ч энэ зөв үү, буруу юу гэдгийг баттай мэдэхгүй байлаа. Дахин гэрлэх нь амар биш ч гэсэн болгоомжтой алхам алхмаар урагшлах болно» гэдгээ илэрхийлжээ.

Ён-жа, Ён-чөл нар «Би ганцаараа» шоуны 28-р ангийн «돌싱 특집» (ганц бие хүмүүст зориулсан тусгай анги)-д оролцож, төгсгөлд нь сонголтоо хийж, бодит амьдрал дээр үерхэж эхэлсэн юм. Тэдний гэрлэлт нь шоуны түүхэнд Чон-сүг, Сан-чөл нарын дараа орох хоёр дахь гэрлэх гэж буй хос болох юм.

Солонгосын интернэт хэрэглэгчид тэднийг баяр хүргэж, "Таньд аз жаргал олдоно гэдэгт итгэж байна, аз жаргалтай байгаарай!" болон "Та хоёрт хамтдаа удаан, аз жаргалтай амьдрахыг хүсье" гэх зэргээр сэтгэгдэл үлдээжээ.