Пак Че-бом: Хүндрэлтэй тулалдсаны дараа эрүүл мэнддээ эргэн ирсэн нь!
Саяхан дуучин Пак Че-бом хүнд бэртэлтэй байсан ч шантралгүй уран бүтээлээ туурвиж байсныг олон нийт мэдлээ. Тэрээр хөлний хугарал болон шөрмөсний урагдалтай байсан аж.
16-ны өдрийн Hankook Ilbo сонинд мэдээлснээр, Пак Че-бом хөлөө хугалж, шөрмөсөө уруулсан гэв.
Өнгөрсөн сард тэрээр гэнэт зүүн хөлөндөө гипс хийж, суга таягтай явж байсан нь олон хүний анхаарлыг татсан юм. Тэрээр энэ байдалтайгаа авахуулсан зургаа SNS хуудсандаа нийтэлж, "It's gonna be ok (Бүх зүйл зүгээр болно)" хэмээн өөртөө итгэл найдвар төрүүлжээ.
Тэрээр дараа нь арга хэмжээнд оролцохдоо болон тайзан дээр гарахдаа ч гипс, суга таягтай байсан. Түүнчлэн, бэртэлтэй байхдаа өөрөө продюсерлэсэн LNGSHOT (Лонгшот) хамтлагийнхаа сурталчилгаанд идэвхтэй оролцож байв.
Энэ сарын эхээр "Алхаж чаддагт талархууштай" хэмээх утгатай үгийг үлдээсэн нь олон хүнийг гайхшруулж, түүний хөлний бэртлийн шалтгаан, нөхцөл байдлын талаар албан ёсоор мэдээлэл гараагүй тул санаа зовиулж байсан юм.
Харин саяхан Пак Че-бом суга таяггүйгээр бүжиглэж буй бичлэгээ нийтэлж, эрүүл мэнд нь эргэн сэргэсэн тухайгаа зарлалаа. Түүнчлэн, 14-нд болсон 'Spotify House Seoul' арга хэмийн хоёр дахь өдөр тэрээр суга таяггүйгээр тайзан дээр гарч тоглолт хийсэн.
Үүнтэй холбогдуулан Пак Че-бом Hankook Ilbo сонинд өгсөн ярилцлагадаа: "Би бэртэл аваад хагас сар гаруй болж байна. Акробат хийж байгаад хөлний хугарал болон шөрмөсний 80% орчим урагдсан. Одоо би 60-70% эдгэрч, суга таягаа хэрэглэхээ больж, эрчимтэй сэргэлтийн эмчилгээ хийлгэж байна" гэж дэлгэрэнгүй ярьжээ.
Пак Че-бом 2022 онд MORE VISION байгуулж, олон уран бүтээлчийг элсүүлсэн. Харин энэ есдүгээр сард их сургуулийн наадам дээр ирэх оны нэгдүгээр сард LNGSHOT (Лонгшот) хөвгүүдийн хамтлаг дебют хийх тухайгаа зарлаж, тэдний анхны тоглолтыг үзүүлэн олны анхаарлыг татсан. Тэрээр энэ удаагийн 'Spotify House Seoul' тоглолтон дээрээ Лонгшот хамтлагтай хамтран тоглож, тэдний дебютийн хүлээлтийг улам нэмэгдүүлэв.
Солонгосын интернэт хэрэглэгчид түүний эрч хүчтэй байдлыг гайхаж, баяр хүслээ илэрхийлжээ: "Пак Че-бом үнэхээр тэсвэртэй эр хүн юм байна!", "Тэр бүрэн эдгэрч, бидэнд илүү олон гайхалтай тоглолтыг үзүүлнэ гэж найдаж байна!", "Ийм хүнд хэцүү нөхцөлд ч ажилласаар байсан нь гайхалтай."