G-Dragon-ыг 21-р зууны шилдэг загвар өмсөгчдийн жагсаалтад багтаалаа

K-pop хамтлаг BIGBANG-ийн гишүүн асан G-Dragon АНУ-ын "Complex" сэтгүүлийн 21-р зууны шилдэг 25 загвар өмсөгчдийн жагсаалтад багтлаа.

"Complex" вэб сэтгүүл саяхан 21-р зууны шилдэг 25 загвар өмсөгчийн жагсаалтыг нийтэлсэн байна. Энэхүү жагсаалтад Холливудын жүжигчин Тимоти Шаламет, Ким Кардашян, Жастин Бибер, Трэвис Скотт зэрэг олон алдартай хүмүүс багтжээ.

G-Dragon энэ жагсаалтын 16-р байранд орж, дэлхийн хэмжээний загвар өмсөгч гэдгээ баталлаа. Тэрбээр энэхүү 25 хүний жагсаалтад багтсан цорын ганц Ази хүн болсон нь онцгой ач холбогдолтой.

"Complex"-ийн зүгээс "Одоогийн байдлаар K-pop оддын ихэнх нь томоохон загварын байгууллагуудын дэлхийн элчээр ажилладаг. Гэхдээ эхнээс нь харж ирсэн хүмүүс G-Dragon энэ стандартыг тогтоосон гэдгийг мэднэ" хэмээн үнэлжээ. Мөн "Тэр үргэлж цаг үеэсээ түрүүлж явдаг байсан. 2010-аад онд АНУ-д Nike Air More Uptempo-г шинэчлэн гаргахаас өмнө тэрээр 90-ээд оны спортын гутлын загварыг анхлан өмссөн нь гэрэл зурганд буусан байдаг" гэж нэмж хэлсэн байна.

Солонгосын интернэт хэрэглэгчид "G-Dragon үргэлж бусдаас нэг алхам урьтаж байдаг!" хэмээн бахархалтай сэтгэгдэл үлдээжээ. Олон хүн түүний өвөрмөц хэв маягийг магтан, "Тэр бол олон үеийг багтаамжтай нөлөөлсөн жинхэнэ загвар судлаач" хэмээн нэмж байлаа.