BTS-ийн V Япон дахь TIRTIR брэндийн поп-ап дэлгүүрийг амжилттай нээлээ
BTS хамтлагийн гишүүн V, түүнийг дэлхийн хэмжээний элчээр сонгосон "TIRTIR" гоо сайхны брэндийн поп-ап дэлгүүр нь Солонгос, АНУ-ын дараа Япон улсад ч мөн адил өндөр амжилт оллоо.
V нь 11-р сарын 15-нд (БНСУ-ын цагаар) АНУ-ын Лос-Анжелес хотноо зохион байгуулагдсан "TIRTIR" брэндийн дэлхийн хэмжээний поп-ап арга хэмжээнд оролцсон юм. Энэ нь уг брэндийн түүхэн дэх анхны томоохон хэмжээний олон улсын поп-ап арга хэмжээ байсан бөгөөд V-гийн оролцоо нь K-Beauty-ийн төлөөлөл болж дэлхий нийтийн анхаарлыг татсан.
"TIRTIR" брэнд нь энэхүү дэлхийн кампанит ажлын хүрээнд Сөүл, Лос-Анжелес, Токио гэсэн гурван хотыг дамжин өргөжих стратеги баримталж байна. V-гийн брэндийн нөлөөллийг түшиглэн, цахим орчинд төвлөрсөн зах зээлийг бодит дэлгүүр рүү өргөжүүлэх зоримог алхам боллоо.
Японы Токио дахь MEDIA DEPARTMENT TOKYO-д 11-р сарын 15-наас 22-ны хооронд долоо хоногийн турш поп-ап дэлгүүр ажиллах юм. Ялангуяа, Шибуя скрэмбл хөдөлгөөн ихтэй уулзварын ойролцоох томоохон барилгуудын дэлгэцнээ V-гийн сурталчилгааны видео цацагдаж, Токио хотын төв хэсгийг чимэглэн, арга хэмжээнд ирсэн шүтэн бишрэгчид болон орон нутгийн хэрэглэгчдийн анхаарлыг татаж байна.
Өндөр амжилт нь борлуулалтын тоон үзүүлэлтээр илэрчээ. "TIRTIR Japan" нь 17-нд fashion болон beauty салбарын мэргэжлийн хэвлэл "WWD Japan"-ы шинэ дугаарын нүүрэнд V-гийн зураг хэвлэгдэх болсныг зарласан. Зарласнаас хэдхэн цагийн дараа "WWD Japan"-ы борлуулалтын газарт "дуусчихсан" гэсэн мэдэгдэл гарч, дахин нэг удаа "V-гийн нөлөө"-г баталгаажууллаа.
Бүтээгдэхүүний борлуулалт ч өндөр байна. Одоогоор Японд "TIRTIR" бүтээгдэхүүнүүд Amazon Japan-ы анхдагч будалт болон нүүрний будалтын төрөлд борлуулалтын чансагаар тэргүүлж, 10 хоногийн турш foundation-ны төрөлд нэгдүгээрт бичигдэж, алдартай бэлгийн жагсаалтад тэргүүн байранд орж, хэрэглэгчдийн худалдан авах эрмэлзлийг харуулж байна.
Дэлхийн хэмжээнд ч өндөр хариутай байгаа. АНУ-ын "Rolling Stone" сэтгүүл "V, Солонгосын гоо сайхны брэндийн арьс арчилгааны кампанит ажлын нээлтэд шүтэн бишрэгчдэдээ гэнэтийн бэлэг барилаа" хэмээх гарчигтай нийтлэлдээ Лос-Анжелес дахь онцгой арга хэмжээний талаар мэдээлсэн. Тус хэвлэлд "V нь Чарльз Мелтон, Изабелла Мерсед, Эмили Алин Линд нартай хамт арга хэмжээг тэмдэглэсэн. Нууц арга хэмжээ байсан хэдий ч шүтэн бишрэгчид нь бороонд зогссоор V-г хүлээсэн" хэмээн тухайн үеийн уур амьсгалыг дүрсэлжээ.
"Rolling Stone" цааш нь "V оролцсон кампанит ажлын арга хэмжээ нь брэндийн хувьд чухал үйл явдал бөгөөд энэхүү арга хэмжээ нь брэндийн АНУ-ын зах зээлд нэтрэхэд хувь нэмэр оруулсан" хэмээн дүгнэсэн байна. K-Beauty нь K-Pop, K-Drama-тай хамт дэлхийн соёлын зах зээлийг тэлэх чухал хөшүүрэг болж байна. "TIRTIR"-ийн дэлхийн кампанит ажил нь K-Culture-ийн хамтын ажиллагаа ямар өсөлтийн үр нөлөөтэй болохыг харуулж байна.
Солонгосын интернэт хэрэглэгчид V-гийн дэлхийн амжилтад ихэд баярлаж байна. "V-гийн нөлөө хэзээд гайхалтай!", "Түүнийг дэлхийн од болно гэдэгт итгэлтэй байсан", "Бүх зүйл хурдан зарагдаж дууслаа, энэ бол жинхэнэ V-гийн нөлөө!"