Ким Гу-гван, Мун Га-ён нарын 'Хэрэв бид байсан бол' киноны шинэ постер гарлаа

12-р сарын 31-нд нээлтээ хийх Ким Гу-гван, Мун Га-ён нарын тоглосон 'Хэрэв бид байсан бол' хэмээх бодит амьдралаас сэдэвлэсэн хайр дурлалын киноны 'Одоогийн бид' нэртэй постер албан ёсоор цацагдлаа.

'Хэрэв бид байсан бол' кино нь нэгэн цагт халуун хайраар холбогдож байсан Ын-хо болон Чон-вон нарын 10 жилийн дараа гэнэт тааралдаж, өнгөрсөн дурсамжаа сөхөн хардаг бодит амьдралыг харуулна.

Шинэ постероос харахад, тэдний гэнэтийн уулзалтын дараах онгоцны буудлаас гарч ирээд зэрэгцэн зогссон хоёр хүний хоорондын өвөрмөц уур амьсгал харагдана. 10 жилийн дараа "Тэр үед бид яагаад салсан юм бэ?" хэмээн өнгөрснөө дурсах нь бусад хосуудын адил энгийн шалтгаанаас үүдэлтэй салалтыг санагдуулж, олон хүний сэтгэлд хүрэх бизээ.

Өнгөрсөн долоо хоногт цацагдсан 'Хэрэв бид байсан бол' киноны трейлер "Хуучин найз бүсгүй, хуучин найз залуугаа санагдуулмаар кино байна", "Бодит боловч гунигтай", "Хэн нэгийг санагдуулах чадвартай хоёр жүжигчин ямар дүр бүтээхийг хүлээж байна" зэрэг үзэгчдийн туршлагаас үүдэлтэй өндөр хүлээлттэйгээр маш өндөр хандалт авсан билээ. Үүний дараа үргэлжлүүлэн цацагдсан постер ч мөн нас харгалзахгүй нийтлэг ойлголтыг төрүүлж байна.

'Хэрэв бид байсан бол' нь жүжиглэх ур чадвараараа төдийгүй нэр хүндээрээ ч ялгардаг Ким Гу-гван, Мун Га-ён нарын анхны хайр дурлалын кино бөгөөд кино бүтээгдэх шатнаас нь ихээхэн хүлээлт үүсгээд байсан бүтээл юм. Энэхүү кино нь нас, хүйс харгалзахгүй бүх үзэгчдэд хэзээ нэгэн цагт мэдэрч байсан хайр, хагацал, мөн хэзээ нэгэн цагт төсөөлж байсан гэнэтийн учралыг харуулах болно.

БНСУ-ын интернэт хэрэглэгчид Ким Гу-гван, Мун Га-ён хоёрын анхны хамтын уран бүтээл болох энэ кинонд маш их сэтгэл хангалуун байгаагаа илэрхийлжээ. Тэдний өгүүлэх болсон хайр, хагацал, гэнэтийн учрал зэрэг сэдвүүд нь олон хүний сэтгэлд хүрч, киноны трейлер нь аль хэдийнээ ихээхэн амжилтанд хүрээд байгааг онцолсон байна.