INFINITE хамтлагийн гишүүн Жан Дун-ү "AWAKE" цомогтойгаа эргэн ирж байна
Алдартай хамтлаг INFINITE-ийн гишүүн Жан Дун-ү бие даасан уран бүтээлчээр эргэн ирж байна. Тэрээр 6-р сарын 18-ны 18:00 цагт "AWAKE" хэмээх хоёр дахь мини цомгоо сонсогчдод хүргэх гэж байна. Энэ нь түүний 2019 онд цэрэгт явахаасаа өмнө гаргасан "BYE" мини цомгоосоо хойш 6 жил 8 сарын дараа изэх анхны бие даасан цомог юм.
"AWAKE" цомог нь өдөр тутмын амьдралд мартагдсан мэдрэмжийг сэрээх зорилготой. INFINITE хамтлагт эрч хүчтэй, гайхалтай үзүүлбэрүүдээрээ танигдсан Жан Дун-ү энэ удаад хоолойны чадвараа тодотгох болно.
"SWAY (Zzz)" нэрийн дуу нь будильникийн адил дуугарч буй сэтгэл хөдлөлийн чичиргээ, хоорондын зогсолтгүй тэмцлийн дундуур үнэнийг эрэлхийлэх тухай өгүүлдэг. Давтагдах будильникийн аянд хайр хэмээх үгийн дотор орших хүсэл тэмүүлэл ба тогтвортой байдлын мөчлөгийг нарийн дүрсэлжээ.
Түүнчлэн, цомогт зүүдний ертөнцийг дүрсэлсэн "SLEEPING AWAKE" интро, хоорондоо тоглоом шиг харилцах ертөнцөд байр суурь нь өөрчлөгдөж буйг харуулсан "TiK Tak Toe (CheckMate)", түгшүүр, будлианы дундуур өөрийгөө олох аяллыг өгүүлсэн "인생 (人生)", шүтэн бишрэгчдэдээ зориулсан "SUPER BIRTHDAY" дуу, мөн "SWAY" нэрийн дууны хятад хувилбар зэрэг Жан Дун-ү-гийн өргөн хүрээний хөгжмийн чанарыг харуулах нийт 6 бүтээл багтсан.
Ялангуяа Жан Дун-ү өмнөх бүтээлүүдийнхээ адил "SWAY", "TiK Tak Toe", "SUPER BIRTHDAY" дууны шүлэг, "인생" дууны шүлэг, ая, найруулгыг өөрөө хийснээр өөрийн онцлог, мэдрэмжийг шингээж, хөгжмийн ур чадвараа ахиулснаа харуулсан.
"AWAKE" цомог нь 6 бүлгээс бүрдэх бөгөөд тус бүр нь өвөрмөц аялгуу, уянгын хэмнэлтэй. Жан Дун-ү нь INFINITE хамтлагийн гоцлол реппер, бүжигчнээс хальж, гүн гүнзгий мэдрэмж, төгс хоолойгоороо дэлхийн сонсогчдын плейлитийг баяжуулах болно.
Мөн тэрээр 6-р сарын 29-нд Сөүлийн Сүншүн эмэгтэйчүүдийн их сургуулийн их танхимд "AWAKE" нэртэй бие даасан фэн уулзалтаа хийхээр төлөвлөж байна. Шинэхэн цомгоо гаргахтай зэрэгцэн болох энэхүү арга хэмжээ нь танхимд ирсэн болон оролцож чадаагүй шүтэн бишрэгчдэд онцгой бэлэг болох төдийгүй, түүний амжилтын нэгэн чухал үйл явдал болох нь дамжиггүй юм.
Жан Дун-ү-гийн "AWAKE" мини цомог 6-р сарын 18-ны 18:00 цагт хөгжмийн бүх платформуудад цацагдана.
Солонгосын интернэт хэрэглэгчид Жан Дун-ү-гийн эргэн ирэлтийг маш өндрөөр үнэлж байна. "Эцэст нь! Шинэ дууг нь тэсэн ядан хүлээж байна", "Бүх цаг үеийн шилдэг бүтээл болох нь гарцаагүй", "Түүний бие даасан цомгууд үргэлж гайхалтай байдаг" зэрэг сэтгэгдлүүд бичигджээ.