RIIZE хамгийн шинэ 'Fame' синглээ фэнүүддээ зориулан танилцуулна!

K-pop хамтлаг RIIZE нь 'Fame' хэмээх шинэ синглээ гаргах гэж байгаатай холбогдуулан фэнүүдтэйгээ уулзах арга хэмжээ зохион байгуулахаар болжээ.

'RIIZE The 2nd Single <Fame> Premiere' нэртэй тус арга хэмжээ 11-р сарын 24-ний өдөр 17:00 цагт Сөүл хотын Yes24 Live Hall-д болох бөгөөд YouTube болон TikTok дахь RIIZE-ийн албан ёсны сувгуудаар шууд дамжуулагдах юм.

Энэхүү арга хэмжээний онцлох үйл явдал нь RIIZE хамтлагийн шинэхэн 'Fame' дууны анхны танилцуулга байх болно. Тэд өөрсдийн өндөр ур чадвартай, эрч хүчтэй бүжиг, нарийн ритмийн мэдрэмжийг хослуулсан үзүүлбэрээр үзэгчдийг байлдан дагуулахаар бэлдэж байна.

'Fame' дуу нь Rage стилийн хип-хоп бөгөөд хүчтэй ритм, рок гитарын өвөрмөц аялгуутай хослосон бүтээл юм. Дууны үгэнд RIIZE хамтлагийн мөрөөдлийн ертөнцийг илэрхийлж, нэр алднаас илүүтэй сэтгэл хөдлөл, хайрыг хуваалцах нь чухал гэсэн мессежийг хүргэх аж.

Бүтээл дээр АНУ-д алдартай, RIIZE-ийн 'Fly Up' клипэнд хамтран ажиллаж байсан бүжиг дэглээч Рен Крисолого (Wren Crisologo) болон Америкийн алдарт хореограф Ник Жозеф (Nick Joseph) нар ажилласан нь бүтээлийн чанарыг улам бүр нэмэгдүүлжээ.

Энэхүү арга хэмжээ нь RIIZE-ийн шинэ цомгийг тэмдэглэхээс гадна, жилийн турш дэмжлэг үзүүлсэн фэнүүддээ талархал илэрхийлэх зорилготой бөгөөд үүд хаалга нь нээлттэй, үнэ төлбөргүйгээр явагдана. Зөвхөн албан ёсны 'BRIIZE' фэн клубын гишүүд сугалаагаар оролцох эрхтэй бөгөөд дэлгэрэнгүй мэдээллийг RIIZE-ийн албан ёсны фэн клубээс авах боломжтой.

'Fame' сингл нь 11-р сарын 24-ний 18:00 цагт бүх төрлийн хөгжмийн платформд цацагдах бөгөөд тухайн өдөр биетээр худалдаанд гарах юм.

Монголын RIIZE шүтэн бишрэгчид шинэ дууг тэсэн ядан хүлээж байна. "'Fame' дууг сонсохыг яарч байна, RIIZE хамтлагт амжилт хүсье!"