“Үзэгдэгчдийн ээж” Чхве Су-жоны “Puzzle Trip” нэвтрүүлгийн үеэр уйлсан шалтгааныг тайллаа
“Puzzle Trip” нэвтрүүлгийн “Пазлын хөтөч”-өөр ажилласан жүжигчин Чхве Су-джон нэвтрүүлгийн зураг авалтын үеэр нулимс унагасан шалтгаанаа хуваалцлаа. MBN телевизийн 30 жилийн ойн хүрээнд хийгдэж буй “Puzzle Trip” нэвтрүүлэг нь гадаадад үрчлэгдсэн хүмүүсийн “алдагдсан нэг ширхэг пазлаа” буюу төрөлх гэр бүлээ хайх бодит аяллыг харуулсан реалити нэвтрүүлэг юм.
БНСУ-ын Контентийн агентлагаас (KOCCA) 2025 онд дэмжсэн энэхүү нэвтрүүлэг нь үрчлэгдсэн хүмүүс болон алдарт хөтчийн аяллын явцад амьдралын нугачааг мэдрүүлж, үзэгчдийг уйлуулах нь дамсаггүй.
“Үзэгдэгчдийн ээж” хэмээн алдаршсан Чхве Су-джон уг нэвтрүүлэгт оролцох болсон шалтгаанаа “Энэхүү сайхан санаачилгатай нэвтрүүлгийг сонссон даруйдаа ийм халуун дулаан хөтөлбөр байх ёстой гэж бодсон” хэмээн тайлбарлалаа.
Тэрээр “Үрчлэгдсэн хүмүүс ямар нөхцөлд гэр бүлээсээ салснаа мэдэхгүй ч, үрчлэгдсэнийхээ дараа өөрийнхөө хэн болох, гарал үүслээ мэдэхийг хүсдэг бол тусалж чадах хэмжээгээрээ туслахыг хүссэн” хэмээн ярьж, төрөлх гэр бүлтэй нь уулзах аялалд нь бага ч гэсэн тус болмоор байсныг онцлов.
Зураг авалтын үеэр их уйлсан тухайгаа дурдаад, Чхве Су-джон “Хүн бүр гэр бүлийн агуу хайрыг нүдээрээ харвал нулимс унагах биз ээ” хэмээв. Тэрээр Майк болон түүний төрөлх эхийн уулзалтын тухай “Маш их сэтгэл хөдлөл шингэсэн, үгүйлсэн уулзалт байсан учир зураг авалтын үеэр хамгийн их уйлсан мөч байлаа” хэмээн нууцлаагүй хэлэв. Мөн “Ээж маань өндөр настай учраас Майкийг эхийн хамт харахдаа өөрийн ээжийгээ их бодож, нулимс унагаасан” хэмээн ярихдаа, зураг авалтын турш нулимс нь тогтохгүй байсныг дурдлаа.
Солонгост ирсэн Майкт “Пазлын хөтөч” хэмээх үүргээ гүйцэтгэн хамт байхдаа Чхве Су-джон Майкт хандаж “Майк надад төрсөн дүү шиг санагдсан, тиймээс Солонгос дахь хугацааг нь чин сэтгэлээсээ хамт өнгөрүүлэхийг хүссэн” хэмээв. Тэрээр “Майк төрөлх гэр бүлээ олсон шигээ Солонгос дахь төрөлх гэр бүл болон АНУ дахь үрчилж авсан ээж, гэр бүлийнхэнтэйгээ сайн сайхан харилцаатай байж, амьдрахыг хүсч байна” хэмээн Майкийн цаашдын амьдралыг өмнөөс нь ерөөв. Мөн “Дараа Майктай уулзаад хамт амттай иддэг байсан бургүүг болон нэгкмёнийг идээд, амьдралынхаа талаар хуваалцан сайхан цагийг өнгөрүүлмээр байна” хэмээн дахин уулзах хүслээ илэрхийллээ.
Эцэст нь Чхве Су-джон “Та бүхэн “Puzzle Trip” нэвтрүүлгээс бидний хажууд байдаг ч, мартагддаг “Гэр бүл” болон “Гэр бүлийн хайр”-ыг олж харах болно” хэмээн итгэл төгс хэлээд, “Хайр хэмээх энэ мэдрэмжийг “Puzzle Trip” нэвтрүүлгээс олж аваарай” хэмээн үзэгчдэд хандаж, нэвтрүүлэгт хүлээлт үүсгэв.
Солонгосын интернет хэрэглэгчид түүний сэтгэлийг хөдөлгөсөн байдлыг үнэлж, "Жинхэнэ өглөг сэтгэлт жүжигчин байна", "Энэхүү сэтгэл хөдөлгөм нэвтрүүлгийг тэсэн ядан хүлээж байна", "Майк аз жаргалтай байгаасай" гэх зэрэг сэтгэгдлүүдийг үлдээжээ.