О Юн-сүгийн хэргийн шүүх хуралдаан үргэлжилж байна: Улсын яллагч давж заалдах шатны ялгүйд тооцсон шийдвэрийг эсэргүүцлээ
Жүжигчин О Юн-сүг бэлгийн хүчирхийллийн хэргээр ялгүйд тооцсон давж заалдах шатны шүүхийн шийдвэрийг улсын яллагч хүлээн зөвшөөрөхгүй, хэргийг Дээд шүүхэд шилжүүлэхээр боллоо.
Өнгөрсөн арваннэгдүгээр өдөр яллагч Сувон хотын шүүхийн давж заалдах шатны эрүүгийн тавдугаар хэлтэст (шүүгчид Квак Хён-сүп, Ким Ин-жүн, Кан Хи-гён) О Юн-сүгийн хэргийн шүүхийн шийдвэрт хууль зүйн алдаа байгаа үндэслэлээр давж заалдах гомдол гаргажээ.
Өмнө нь О Юн-сүг 2017 онд эмэгтэй А-гийн биед халдсан хэргээр шүүхэд дуудагдсан юм. Жүжигчин А-гийн холбоонд өгсөн ярилцлагадаа, А-тай хамт нуурын эрэг орчмоор явж байхдаа, зам заах зорилгоор гарнаас нь барьсан болохоос, бэлгийн хүчирхийлэл үйлдээгүй гэж хэргээ үгүйсгэсэн байдаг. Мөн А-д уучлалт гуйсан нь хэргийг хүлээн зөвшөөрснөөс шалтгаалаагүй гэж тайлбарлаж, бэлгийн хүчирхийлэл үйлдсэн гэх хэргийг дахин дахин үгүйсгэжээ.
Эхний шатны шүүх өнгөрсөн гуравдугаар сард “Хохирогчийн мэдүүлэг нь нэгдмэл бөгөөд өөрөө амьдраагүй бол хэлж чадахгүй зүйл юм” гэсэн үндэслэлээр О Юн-сүгт буруутгаж, 8 сар хорих ял оноож, 2 жилийн тэнсэн харгалзах, 40 цагийн бэлгийн хүчирхийллийн эмчилгээнд хамрагдахыг үүрэгджээ.
Хоёр тал аль аль нь давж заалдсаны дагуу хийгдсэн хоёрдугаар шатны шүүх хуралдаанд анхан шатны шүүхийн шийдвэрийг хүчингүй болгож, ялгүйд тооцсон байна. Арваннэгдүгээр өдөр болсон хоёрдугаар шатны шүүх хуралдаанаас “Цаг хугалцаа өнгөрөх тусам хохирогчийн санах ой гуйвж магадгүй бөгөөд, шүүхэд дуудагдсан хэргээр яллагдагч бэлгийн хүчирхийлэл үйлдсэнийг нотлох эргэлзээ байвал яллагдагчийн талд үйлчлэх ёстой” хэмээн ялгүйд тооцсон шалтгаанаа тайлбарлажээ.
Давж заалдах шатны шүүхийн шийдвэрт А хатагтай шууд эсэргүүцлээ илэрхийлэв. Тэрээр Кореа эмэгтэйчүүдийн холбоогоор дамжуулан гаргасан албан ёсны мэдэгдэлдээ “Өнөөдрийн шүүхийн шийдвэр итгэмээргүй, бодит бус бөгөөд гүнээ харамсаж байна” гэжээ. Тэрээр цааш нь “Энэ шүүхийн шийдвэр нь бэлгийн хүчирхийллийн бүтцийг бэхжүүлсэн, ичгүүртэй шийдвэр юм. Шүүх энэ шийдвэр нийгэмд ямар мессеж өгч байгааг хариуцлагатайгаар тунгаан бодох ёстой” гэв.
Мөн тэрээр “Ялгүйд тооцсон шийдвэр нь үнэнийг үгүйсгэх эсвэл миний амссан зовлонг арилгах чадваргүй. Би соёл, урлагийн салбар болон нийгэм дэх бэлгийн хүчирхийллийн бүтцийг хараад сууж чадахгүй, эцсээ хүртэл үнэнийг ярина” гэж мэдэгджээ.
Үүний зэрэгцээ О Юн-сү нь 2021 онд Нетфликсийн "Кальмарын тоглоом" цувралд О Ил-нам дүрээрээ дэлхий даяар "Канбү өвөө" хэмээн алдаршсан билээ. Дараа жил нь тэрээр Америкийн Алтан бөмбөрцөг шагнал гардуулах ёслолоос Солонгосын анхны жүжигчнээр телевизийн төрөлд шилдэг туслах дүрийн шагналыг хүртсэн юм. Гэсэн хэдий ч дараа нь бэлгийн хүчирхийллийн хэргээр буруутгагдан, үйл ажиллагаа нь зогсонги байдалд орж, KBS зэрэг томоохон телевизүүдээс тоглох эрхээ хасуулсан юм.
Монголын интернэт хэрэглэгчид шүүхийн шийдвэртэй холбогдуулан янз бүрийн байр суурь илэрхийлж байна. Зарим нь шүүх хуулийн дагуу шийдвэр гаргасан гэж үзэж байгаа бол нөгөө хэсэг нь хохирогчийн эрхийг хангаагүй хэмээн шүүмжилж, шударга ёс тогтоносонгүй хэмээн халаглаж байна.