Жүжигчин Жон Хэ-ин хувийн лааны барималттай болох нь!
Merlin Entertainments-ийн харьяа Madame Tussauds Hong Kong нь жүжигчин Жон Хэ-ины анхны лааны барималыг дэлхий даяар анх удаа нээлтээ хийх гэж буйгаа энэ сарын 18-нд зарлалаа.
Өнгөрсөн жил мэргэжлээрээ 10 жил ажилласан Жон Хэ-ин "Намайг сайн хооллодог өөрөөсөө эгч" (Pretty Noona Who Buys Me Food) драмад Сон Е-жинтой хамт тоглож, маш том амжилтанд хүрсэн. Энэ бүтээлээр тэрээр тогтвортой жүжиглэлт, авьяас чадвараа баталж, "Хэ-иниз" хэмээх шүтэн бишрэгчдийнхээ халуун дэмжлэгийг авсан. Мөн тэрээр 'Seoul Awards', 'APAN Star Awards' зэрэг нэр хүндтэй шагнал, 'Asia Content Awards'-аас авьяас чадвараа үнэлүүлж, идэвхтэй уран бүтээлээ туурвисаар байна. Түүгээр ч зогсохгүй, 'Veteran 2' кинонд бүтсэн дүрээрээ 'Fan Favorite Actor' болон 'Best Supporting Actor' шагналыг 'Blue Dragon Film Awards'-аас хүртсэн юм.
"Ээжийн найзын хүү" (A Shoulder to Cry On) киногоороо өндөр үзэгчдийн тоонд хүрсэн түүний шинэ уран бүтээл нь шүтэн бишрэгчдийнхээ хайрыг хариулах зорилготой Madame Tussauds Hong Kong-ийн санал болгосон лааны барималын төсөл амжилттай хэрэгжиж байна. "Ээжийн найзын хүү" нь Солонгост цацагдсаны дараа шууд Netflix-ээр дэлхий даяар цацагдаж, олон улсын үзэгчдийн анхаарлыг татсан билээ.
"Madame Tussauds Hong Kong-д миний лааны баримал байрлах нь үнэхээр гайхалтай туршлага юм. Би алдартай газрын нэг хэсэг болно гэж хэзээ ч төсөөлж байгаагүй. Миний лааны баримал дэлхийн өнцөг булан бүрт байгаа шүтэн бишрэгчдэд минь дулаахан, эерэг энерги хүргэнэ гэдэгт найдаж байна" хэмээн Жон Хэ-ин сэтгэгдлээ хуваалцсан байна.
Merlin Entertainments-ийн Хонконгийн Ерөнхий менежер Уэйд Чанг хэлэхдээ: "Madame Tussauds Hong Kong нь K-Wave Zone-ы туршлагыг тасралтгүй сайжруулахын тулд хичээж ажилладаг. Жон Хэ-ин жүжигчин бүтээлүүддээ харуулдаг үнэнч байдал, мэргэжлийн ур чадвар нь энэхүү хамтын ажиллагаанд ч мөн адил харагдсан. Түүний оролцоо нь бүс нутгийн аялал жуулчлалыг идэвхжүүлж, Азийн соёлыг түгээн дэлгэрүүлэхэд ихээхэн хувь нэмэр оруулна гэж бодож байна" гэжээ.
Жон Хэ-ины лааны баримал энэ оны 12-р сард Madame Tussauds Hong Kong-ийн K-Wave Zone-д нээгдэх бөгөөд одоогоор үзэсгэлэнд байрлаж буй И Жон-сок, Сюзи зэрэг Халлювдын оддын лааны барималтай хамт Солонгосын одод хэсгийг илүү баялаг, сонирхолтой болгоно.
БНСУ-ын интернэт хэрэглэгчид энэ мэдээг сонсоод "Эцэст нь! Тэр үүнийг хүртсэн байна!" болон "Гонконгод түүнийг харахыг тэсэн ядан хүлээж байна!" гэх мэт сэтгэгдлүүдээрээ баяр хөөрөө илэрхийлжээ. Олон хүмүүс энэ нь олон улсын шүтэн бишрэгчдэд шүтээн зүгтээ ойртох гайхалтай боломж гэдгийг онцолсон байна.