Ариана Гранде руу дайрсан этгээдэд 9 хоногийн хорих ял оногдууллаа
Дуучин, жүжигчин Ариана Грандег Сингапурт "Wicked: For Good" киноны нээлт дээр нь барьж авсан этгээдэд ял оноолоо.
17-ны өдөр /орон нутгийн цагаар/ Daily Mail-ийн мэдээлснээр, Австралийн инфлүенсер Жонсон Вэнийг Ариана Грандег барьж авсан хэргээр 9 хоногийн хорих ял оноосон байна.
Тус мэдээлэлд дурдсанаар, Жонсон Вэнийг олон нийтийн газрыг үймүүлсэн нэг хэргээр буруутайд тооцон 9 хоногийн хорих ял оножээ.
Сингапурын шүүгч Кристофер Го хэлэхдээ, "Өмнө нь бусад алдартнуудын арга хэмжээнд нэвтэрч байсан Вэнийн үйлдлүүд нь урьдчилан төлөвлөгдсөн бөгөөд дахин ийм зүйл хийнэ гэдгээ харуулж байна". "Та анхаарал татах гэж байгаа бололтой, ийм үйлдлүүд хийхдээ зөвхөн өөрийгөө боддог, бусдын аюулгүй байдлыг хайхрахгүй байна" гэжээ.
Шүүгч Вэний үйлдлийн үр дагавар гарахгүй гэж бодсон нь "буруу" байсныг онцлон хэлж, "Хүн үйлдлийнхээ үр дагаврыг үргэлж санаж явах ёстой" гэдгийг сануулжээ. Тэрээр "Сингапурын аюулгүй улс гэсэн нэр хүндийг сэвтүүлж болзошгүй үйлдлүүдийг бид тэвчихгүй гэдгийг ийм хүмүүст харуулах ёстой" гэж нэмж хэлэв.
Өнгөрсөн долоо хоногт "Wicked: For Good" киноны нээлт дээр жүжигчид шар хивсэн дээгүүр алхаж байхад Жонсон Вэнийг Ариана Гранде руу давтсан. Тэрээр Грандег бүсэлж, гараараа үзэгчдэд даллан мэндэлжээ. Үүний хариуд Синтия Эриво шуурхай Грандег хамгаалж, түүний болон Вэний хооронд орж ирсэн юм. Дараа нь Вэнийг аюулгүй байдлын ажилтнууд барьж, хэрмийн цаана гаргажээ.
Энэ хэргийн дараа Вэний өөрийн сошиал хуудсанд "Ариана Гранде, чамтай шар хивсэн дээр гарч байгаад баярлалаа" гэсэн бичлэг, дүрс бичлэг үлдээжээ.
Сингапурын нээлтийг хийсний дараа Ариана Гранде уг хэрэг явдлын талаар дурдаагүй бөгөөд зөвхөн "Сингапурт баярлалаа" гэсэн сэтгэгдэл үлдээжээ.
Жонсон Вэний өмнө нь The Weeknd болон Кэти Перри нарын тоглолтонд нэвтэрч шуугиан тарьж байсан удаатай.
Монголын интернэт хэрэглэгчид түүний үйлдлийг буруушааж, бусдын аюулгүй байдлыг хангаж байх ёстойг онцолсон байна. Зарим хүмүүс түүнийг зохисгүй зан гаргасан тул цаашид ийм зүйл хийхгүй байхыг анхааруулжээ.