SM Entertainment-ийн "aespa" хамтлаг Nongshim-ийн "Shin Ramyun" брэндийн дэлхийн элчээр томилогдов
Nongshim компани өмнөд Солонгосын алдартай "aespa" охидын хамтлагийг "Shin Ramyun" брэндийн дэлхийн хэмжээний элчээр сонгосноо зарлалаа.
Энэхүү хамтын ажиллагаа нь "Shin Ramyun"-ы "Spicy Happiness In Noodles" буюу "Амттай аз жаргалтай гоймон" гэсэн дэлхийн уриаг "aespa" хамтлагийн нөлөөгөөр улам өргөнөөр сурталчлах зорилготой юм.
"aespa" нь "Shin Ramyun"-ы түүхэнд анх удаагаа дэлхийн элч болж буй хамтлаг бөгөөд тэд K-pop-ийн чансааг дэлхийд баталгаажуулсан шигээ "Shin Ramyun"-ы амт чанарыг олон улсын хэрэглэгчдэд таниулах үүрэг гүйцэтгэх юм.
Nongshim-ийн төлөөлөгч "aespa" хамтлагийг сонгосон шалтгаанаа "aespa" хамтлаг өөрсдийн хөгжим, уран бүтээлээр дэлхийн шүтэн бишрэгчдэд эрч хүч бэлэглэдэг нь "Shin Ramyun"-ы "Spicy Happiness In Noodles" буюу "Амттай аз жаргалтай гоймон" гэсэн уриантай бүрэн нийцэж байна. Мөн 2021 оноос хойш "Shin Ramyun", "Chapaguri" зэрэг Nongshim-ийн бүтээгдэхүүний талаар тэдний фэнүүдтэй хийсэн идэвхтэй харилцаа ч нөлөөлсөн" хэмээн тайлбарласан байна.
Тус хамтын ажиллагааны хүрээнд "aespa" хамтлаг "Shin Ramyun"-ы дэлхийн анхны сурталчилгааны видеод тогложээ. Уг видео нь K-pop идол хамтлагийн онцлогийг шингээсэн хөгжмийн видео хэлбэрээр бүтээгдсэн нь онцлог юм.
"Shin Ramyun" гоймон нь дэлхий даяар хэрэглэгчдэд "амттай аз жаргалыг" мэдрүүлэхийг харуулсан уг видеонд "aespa" хамтлаг өөрсдийн өвөрмөц хоолой, гайхалтай бүжиг, үзүүлбэрээрээ "Shin Ramyun"-ы амт болон эрч хүчийг дүрслэн харуулна. Мөн гоймонгоо амтархан зооглож буй дэлхийн хэрэглэгчдийн баяртай царай, хөдөлгөөнүүдийг харуулжээ.
"aespa" хамтлаг видеонд "Shin Ramyun" бүжиглэхээс гадна, гурван төрлийн бүжгийн хөдөлгөөнөөр гоймонгийн савлагааг нээх, ус хийх, халбага бэлдэх зэрэг үйлдлүүдийг илэрхийлнэ. Түүнчлэн, "Shin Ramyun" гэдэг үгийг хуруугаараа "S-H-I-N" гэж гийгүүлэх өхөөрдөм бүжиг нь видеоны нууцлаг хөгжилтэй хэсэг болно.
"Shin Ramyun"-ы "aespa"-тай хамтарсан сурталчилгаа нь АНУ, Хятад, Япон, Европ, Зүүн Өмнөд Ази зэрэг гол экспортлогч улсууд болон бусад зах зээлд зориулан бүтээгдсэн бөгөөд дижитал сувгуудаар цацагдах юм.
Nongshim компани мөн "aespa" хамтлагийн гишүүдийн зургаар чимэглэсэн "aespa Special Package" буюу "aespa тусгай багц"-тай "Shin Ramyun" бүтээгдэхүүнийг худалдаанд гаргахаар төлөвлөж байна. "Shin Ramyun"-ы мультпак дээр "aespa" хамтлагийн хамтын зураг, харин нэг ширхэг гоймонгийн савлагаан дээр гишүүн бүрийн хувийн зураг хэвлэгдэнэ. Энэхүү тусгай багц бүтээгдэхүүн нь арваннэгдүгээр сард Хятадад, арванхоёрдугаар сард БНСУ болон бусад улсуудад худалдаанд гарна.
Үүнээс гадна, тусгай багц гаргахтай зэрэгцэн "Shin Ramyun", "Shin Ramyun Tumbah" мультпак боодолд "aespa" гишүүдийн зураг, гарын үсэг бүхий фото картыг бэлэглэнэ. Түүнчлэн, Nongshim компани дэлхийн жижиглэн худалдааны газруудад "aespa"-г ашигласан сурталчилгаа, арга хэмжээ зохион байгуулж, хэрэглэгчидтэйгээ харилцах харилцаагаа бэхжүүлэхээр зорьж байна.
"Shin Ramyun"-ы дэлхийн элч "aespa" хамтлаг "Shin Ramyun бол бидний өдөр тутмын амьдралд, тэр дундаа телевиз, дэлхийн аялан тоглолт, бэлтгэлийн үеэр байнга хэрэглэдэг брэнд байсан. Одоо бид Nongshim-ийн бүтээгдэхүүн хэрэглэдэг хэрэглэгч төдийгүй, албан ёсны элч болж, дэлхийн шүтэн бишрэгчдэдээ "Shin Ramyun"-ы онцлогийг илүү идэвхтэй таниулах болно" гэж ярьжээ.
Солонгосын интернэт хэрэглэгчид энэ шинэ хамтын ажиллагаанд маш их баяртай байна. "aespa" болон "Shin Ramyun" хоёр бол төгс хослол!", "Шинэ сурталчилгаа, тусгай багцыг тэсэн ядан хүлээж байна!", "Энэ бол Солонгосын соёлыг дэлхийд сурталчлах гайхалтай боломж" гэх зэрэг сэтгэгдлүүдийг үлдээжээ.