SMArt-ын анхны уран бүтээлч Им Ши-ван "The Reason" нэртэй анхны мини цомогтоо зориулсан хуваариа нийтэллээ

SM Entertainment-ын хөгжмийн студи SMArt-ын анхны уран бүтээлч Им Ши-ван анхны мини цомог "The Reason"-ы хуваарийн постёрийг нийтэлж, олны анхаарлыг татаж байна.

12-р сарын 18-ны 18:00 цагт SMArt-ын албан ёсны SNS хуудсанд нийтлэгдсэн Им Ши-ваны анхны соло цомог "The Reason"-ы хуваарийн постер нь уран бүтээлчийн сонирхлыг харуулсан төрөл бүрийн цуглууламжтай хамт тийзэр контентуудыг хэзээ гаргах хуваарийг агуулсан байсан нь онцгой анхаарал татжээ.

Үүнээс өмнө Им Ши-ван 12-р сарын 14-нд нийтлэгдсэн ярилцлагын тийзэр видеогоор энэхүү цомгийн концепцийг дэлгэсэн бол өнөөдрөөс буюу 12-р сарын 19-нөөс эхлэн тийзэр зураг, дууны жагсаалт, онцлох хэсгийн цуглуулга, гол дууны MV тийзэр зэргийг дараалан гаргаж, анхны мини цомогт хүлээлт үүсгэх төлөвтэй байна.

Нэмж дурдахад, энэхүү цомог нь ижил нэртэй гол дуу "The Reason"-ыг оролцуулаад нийт 5 дуунаас бүрдсэн бөгөөд "соло уран бүтээлч" Им Ши-ваны SMArt-тай хамтран харуулах онцгой хөгжмийн өнгө аясыг сонсох боломжтой болно. Бүх дууны нот 12-р сарын 5-ны 18:00 цагт бүх хөгжмийн платформуудаар цацагдах юм.

Мөн Им Ши-ваны анхны соло цомог "The Reason" нь 12-р сарын 5-нд биетээр худалдаанд гарна. Одоогийн байдлаар онлайн болон офлайн хөгжмийн дэлгүүрүүдээр урьдчилсан захиалга хийх боломжтой.

Солонгосын интернэт хэрэглэгчид "Им Ши-ваны соло уран бүтээлчээр гарахыг тэсэн ядан хүлээж байна!", "SMArt-ын анхны уран бүтээлч нь Им Ши-ван байх нь сайхан байна, маш их хүлээж байна" гэх зэрэг сэтгэгдлүүдийг үлдээжээ.