Генригийн шинэ "Off the REC. Henry" влог цуврал эхэллээ
Уран бүтээлч Генри (HENRY) өөрийн "Off the REC. Henry (Офф зе Рекорд. Генри)" нэртэй шинэ влог цувралаа эхлүүллээ.
10-р сарын 18-нд түүний албан ёсны YouTube сувгаар "Тайзнаа гараад 18 жил болсон туршлагатай хүн камерны өмнө ичдэгээ хэрхэн давах нь...!" хэмээх гарчигтай пролог видео нийтлэгдсэн нь энэхүү төслийн эхлэлийг зарласан юм.
"Off the REC. Henry" цуврал нь Генригийн гайхалтай тайзны амьдралын цаана нуугддаг жинхэнэ амьдралыг илэн далангүй харуулах зорилготой төсөл юм. Дэлхий даяар уран бүтээлээ толилуулж, бие даасан уран бүтээлчээр өөрийн байр сууриа бэхжүүлсэн Генри, энэхүү влог төслөөрөө дамжуулан шүтэн бишрэгчидтэйгээ илүү дотно харилцаа тогтоохыг зорьж байна.
Пролог видеонд тайзан дээрх эрч хүчтэй Генри болон тайзнаас гадуурх түүний өөр өөр зан чанар харагдах нь дараагийн дугааруудад улам их сонирхол төрүүлсэн. Тайзан дээр үзэгчдийг алмайруулдаг тэрээр тайзны ард хөгжилтэй, энгийн байдлаараа сонирхолтой влог хийхээ амласан.
Бичлэг хийх явцад камерны өмнө эвгүйрхэж, бүр найруулагчтайгаа хошигруу ярилцаж буй Генригийн дүр төрх хүмүүст инээдийг бэлэглэсэн.
Үүн дээр найруулагчийн "Гайхамшигтай дүр төрхний цаана ойр дотны хүмүүст л танигддаг жинхэнэ, хөгжилтэй Генри нуугддаг" гэсэн тайлалт нэмэгдсэн нь Генригийн хөгжилтэй бөгөөд чин сэтгэлээсээ өнгөрүүлэх амьдралыг харуулсан влогны үндсэн хэсэг болон үйл явдлын талаарх хүлээлтийг улам өндөрт хүргэсэн.
Нэмж дурдахад, Генри өнгөрсөн есдүгээр сард "Closer To You" нэртэй шинэ дуугаа гаргаж, дэлхийн сонсогчдоос өндөр үнэлгээ авсан. Мөн төрөл бүрийн дотоод болон гадаад фестивалд оролцож, ирэх оны нэгдүгээр сард SBS телевизээр гарах "Veiled Cup: Asia Grand Final" хэмээх хөгжмийн нэвтрүүлэгт шүүгчээр оролцохоор болжээ.
Монголын шүтэн бишрэгчид түүний шинэ влог цувралыг тэсэн ядан хүлээж байгаа бөгөөд "Жинхэнэ Генриг харах нь ээ, баярлалаа!", "Өөрийнхөө жинхэнэ дүр төрхийг харуулж байгаад нь маш их баяртай байна, их хөөрхөлтэй юм!", "Би бүх дугааруудыг нь заавал үзнэ, энэ санаачлагыг нь дэмжиж байна!" хэмээн сэтгэгдэл үлдээжээ.