Фейк мэдээлэлд цэг тавилаа: YouTube од Тзуян худал хуурмуудыг залрууллаа

Алдартай YouTube од Тзуян (Tzuyang) өөрийг нь тойрсон олон худал цуурхайн талаар анх удаа дуу хоолойгоо өргөлөө.

Саяхан Пак На-ре (Park Na-rae)-гийн "Нарае-шик" нэртэй YouTube сувгаар зочноор оролцохдоо Тзуян энэ талаар ярьсан юм.

"Намайг 12 сая дагагчтай болоход Хятадын эрх мэдэлтнүүд дэмжсэн гэсэн цуурхал хамгийн инээдэмтэй байсан" гэж Тзуян хуваалцлаа. "Ямар нэгэн Хятадын бүлэглэл намайг дэмжсэн гэсэн, хэн болохыг нь ч мэдэхгүй, нэр минь Тзуян болохоор би Хятад хүн гэсэн яриа ч байсан. Үнэн бодит байдлаас тэс өөр зүйлс бодит мэт тархсанд би гайхаж байлаа".

Тэрээр "Би олон нийтийн өмнө ярих боломжгүй түвшний цуурхал ч байсан" гэдгийг нэмж хэлэв.

Хувийн амьдралтай холбоотой цуурхайн талаар ч Тзуян тодорхой хариулт өгчээ. "Намувики" (Солонгосын онлайн нэвтэрхий толь)-д миний боловсрол болон ханз үсгийн нэрийг буруу бичсэн байсан болохоор эцэг эх маань хүртэл надад залгаж байсан" гэж тэрээр ярьжээ. "Эхэндээ маш хэцүү байсан ч дараа нь би огт харахгүй болсон. Үүнийг бас л анхаарлын нэг хэлбэр гэж бодохыг хичээдэг. Ямар ч байсан намайг сайн мэддэг гэсэн үг шүү дээ" хэмээн тэрээр тайван байдлаа алдалгүй хэлсэн байна.

Солонгосын интернэт хэрэглэгчид "Тэр энэ бүхнийг туулах ёстой байсан нь харамсалтай байна", "Уурлагчдыг үл тоож, хийх дуртай зүйлсээ хийгээд бай!", "Худал мэдээлэл багасна гэж найдаж байна" гэх зэргээр Тзуян-г дэмжсэн сэтгэгдлүүдийг үлдээжээ.