Хён Бин "Харбин" киноныхоо төлөө шилдэг эрэгтэй жүжигчнээр шалгаран, эхнэр Сон Йе-жиндоо хандаж сэтгэл хөдөлгөсөн үг хэлэв
19-р сарын 19-нд Сөүл хотноо болсон "Цэнхэр луу" шагнал гардуулах ёслолын 46-р удаагийн арга хэмжээнд жүжигчин Хён Бин "Харбин" киногоороо шилдэг эрэгтэй жүжигчний шагналыг хүртлээ.
"Харбин" кинонд Ан Чунг-гуны дүрийг бүтээсэн Хён Бин шагнал авах үеэрээ "Энэ кинонд тоглох хугацаандаа би киноноос илүү олон зүйлийг мэдэрсэн. Эх орондоо амьдарч, энэ тайзан дээр зогсож байгаа нь Монголынхоо төлөө зүтгэж, амьдралаа зориулсан олон хүмүүсийн ач гавьяа. Энэ шагналыг тэдэндээ өргөн барьж байна. Баярлалаа" хэмээн хэлээд ёслол төгөлдөр мэхийн ёсложээ.
Тэрээр "Харбин" киноны саналыг анх авахад Ан Чунг-гуны дүрийг бүтээхэд тухайн үеийн хүмүүсийн зовлон шаналал, бухимдал, гэвч эх орноо хамгаалах ёстой байсан хариуцлагыг төсөөлж чадахгүй, хүлээж авах зориггүй байснаа нууцлаагүй юм. "Намайг төгсгөл хүртэл урам зориг өгч, чадна гэдэгт итгүүлж, энэ утга учиртай бүтээлийг хамтдаа хийцгээе хэмээн гараас минь атгаж, удирдаж явсан У Мин-хо найруулагчдаа баярлалаа. Таны ачаар би өнөөдөр энд зогсож байна. Мөн хүнд хэцүү замыг хамт туулсан Чон Мин, Ё Бин болон энд ирээгүй ч гайхалтай хамт олон, бүх албаны хүмүүстэй хамт байсан нь нэр төрийн хэрэг байлаа. Тэд байхгүй байсан бол би энэ хүнд ачааг дааж чадахгүй байсан байх" гэв.
Хён Бин мөн "Одоо ч гэсэн надад чимээгүйхэн дэмжлэг үзүүлдэг гэр бүл, компанийн ажилтнууд, хайрт шүтэн бишрэгчид, "Харбин" киногоо хайрласан үзэгчдэдээ маш их баярлалаа" хэмээв. Тэрээр танхимд сууж байсан эхнэр Сон Йе-жин рүү харж "Зүгээр л орших байдлаараа надад их дэмжлэг болдог эхнэр Йе-жин, бид хоёрын хүүг маш их хайрладаг, тандаа баярлалаа гэж хэлмээр байна" гэж хэлэхэд Сон Йе-жин гараараа зүрхэн хэлбэр хийж, халуун дулаан уур амьсгалыг бүрдүүлсэн юм.
Эцэст нь тэрээр "Кино урлагаараа дамжуулан бидний хамгаалж байх ёстой үнэт зүйлс болон мартаж болохгүй түүхийг үзэгчидтэйгээ хуваалцаж чадсандаа баяртай байна. Баярлалаа" хэмээн нэмж хэллээ.
Солонгосын интернэт хэрэглэгчид Хён Биний үгийг сонсоод "Тэр үнэхээр авьяаслаг жүжигчин шүү", "Сон Йе-жин, хүү хоёрынхоо талаар дурьдсан нь маш сайхан санагдлаа" гэх зэргээр сэтгэгдэл үлдээжээ.