Ку Хе-сон шинэ бизнесээ эхлүүлж байна: жүжигчнөөс бүтээгдэхүүн зохион бүтээгч, CEO болжээ!

Алдартай Солонгос жүжигчин Ку Хе-сон (Ku Hye-sun) урлаг болон бизнесийг хослуулсан шинэ кареьерийн замналаа нээж байна. Өнөөдөр буюу арванхоёрдугаар сарын 20-нд өндөр технологийн үс арчилгааны Grabity брэндтэй хамтран бүтээсэн, патентлагдсан шинэ бүтээгдэхүүн болох 'Хуйлагдагч үсний хэрэгсэл Курол (KOO Roll)'-ийг албан ёсоор худалдаанд гаргажээ.

Ку Хе-сон зөвхөн бүтээгдэхүүний хөгжүүлэлтэнд оролцоод зогсохгүй, патент авахаас эхлээд бүтээгдэхүүн төлөвлөх, дизайн хийх, нэрлэх, брэнд байгуулах бүх шатанд идэвхтэй оролцсон байна. Тэрбээр бүтээгдэхүүний дизайнер, бүтээлч удирдагч, мөн CEO-гийн хувиар шинэ хуудсыг нээж буйгаа харуулж байна. Урлагийн мэдрэмж болон бодит санааг хослуулсан энэхүү хамтын ажиллагаа нь 'мэдрэмжид суурилсан K-beauty венчр'-ийн тод жишээ болон салбарын анхаарлыг татаж эхэлжээ.

Жүжигчин, найруулагч, зураач, зохиолч зэрэг олон талт авьяас чадвараа харуулж байсан Ку Хе-сон энэ удаад уран бүтээлчийн хувьд өөрийн брендийн өргөн цар хүрээг харуулж байна. Урлаг болон бодит хэрэгжүүлэлтийг хослуулах чадвар нь энэ төслийг онцгой болгож байна.

Саяхан Ку Хе-сон KHS Agency-тэй хамтын ажиллагааны гэрээ байгуулж, уран бүтээлчийн хувиар өөрийн брэндинг, сурталчилгаа, бүтээл сонголт зэрэгт, түүнчлэн бизнесийн зөвлөгөө авахаар болсон байна.

KHS Agency-ийн төлөөлөгч хэлэхдээ: "Бид Ку Хе-сон жүжигчний уран бүтээлч, бүтээлч хүний авьяас чадвар, мөн бизнес эрхлэгчийн бодит байдлыг тулган өөрийн гэсэн өвөрмөц брэндийг бүтээхээр төлөвлөж байна. Үүний тулд цогц дэмжлэгийг үзүүлэх болно. цаашид Ку Хе-соны хийх олон төрлийн шинэ зүйлс, шинэ алхмуудад ихээхэн анхаарал, дэмжлэг үзүүлэхийг хүсье" гэжээ.

Солонгосын интернэт хэрэглэгчид Ку Хе-соны шинэ бизнес эхлүүлсэн явдлыг сайшааж байна. Түүний олон талт авьяас чадварыг хүндэтгэж, шинэ бизнес амжилттай явахыг хүссэн сэтгэгдлүүд их байна. Түүний өмнөх амжилтуудыг харгалзан үзэхэд, бүтээгдэхүүнд нь ихээхэн сонирхолтой байгаагаа илэрхийлжээ.