BTS хамтлагын гишүүн Jungkook-ийн гэр рүү нэвтрэх оролдлого: Уран бүтээлчээс анхааруулга

Дэлхийд алдартай BTS хамтлагийн гишүүн Jungkook дахин нэг удаа гэр рүү нь хууль бусаар нэвтрэх гэсэн хэргт өртжээ. Сөүл хотын цагдаагийн газраас 50 орчим насны Японы иргэн эмэгтэйг хууль бусаар нэвтрэх оролдлого хийсэн хэргээр шалгаж эхэлсэн байна.

Мэдээлэлд дурдсанаар, уг эмэгтэй энэ сарын 12-14-ний хооронд Jungkook-ийн гэр рүү хэд хэдэн удаа нэвтрэх оролдлого хийсэн бөгөөд цагдаад дуудлага 14-нд ирсэн байна. Эмэгтэй эх орондоо буцаж ирсэн эсэх нь тодорхойгүй байгаа аж.

Цагдаагийн байгууллагаас хохирогчийг байцаан, хэргийн бүх нөхцөл байдлыг тогтооно гэжээ. Jungkook өөрөө лайв стрийм хийх үеэрээ "Та нар мэдээллээс харсан байлгүй, бас нэг хүн манай гэрт ирсэн бөгөөд цагдаад баригдсан. Гэр рүү минь битгий ирээрэй. Үнэхээр битгий ирээрэй. Ойлголоо юу? Хэрэв ирвэл би шууд хорьчихно. Зүгээр л цагдаад аваачуулна. Бичлэг бүгд байгаа. CCTV-д бүртгэгдэж байгаа учраас аваачуулахыг хүсвэл ирээрэй" хэмээн анхааруулсан байна.

Энэ нь Jungkook-ийн гэр рүү хууль бусаар нэвтрэх гэсэн гурав дахь тохиолдол юм. Өнгөрсөн наймдугаар сард 40 орчим насны Солонгос эрэгтэй түүний машины зогсоол руу нэвтэрч, баривчлагдсан. Харин зургадугаар сард 30 орчим насны Хятад эмэгтэй Jungkook-ийн гэр рүү нэвтрэх нууц дугаарыг хэд хэдэн удаа хийсэн хэргээр баривчлагдаж, есдүгээр сард тэнссэн ял авсан байна.

Солонгосын интернэт хэрэглэгчид Jungkook-ийн аюулгүй байдлыг хангаж өгөхийг шаардаж, ийм үйлдэл гаргасан шүтэн бишрэгчдийг хатуу шүүмжилж байна. "Хувийн орон зайг хүндэтгэх ёстой", "Хууль хяналтын байгууллагаас арга хэмжээ авах хэрэгтэй" гэх зэрэг сэтгэгдлүүд их байна.