ЧУ (CHUU) ирэх нэгдүгээр сард анхны бүрэн хэмжээний бие даасан цомгоо гаргахаар бэлдэж байна

LOONA хамтлагийн экс гишүүн, уран бүтээлч ЧУ (CHUU) ирэх нэгдүгээр сард анхны бие даасан бүрэн хэмжээний цомгоо гаргахаар бэлдэж байгаагаа зарлав. Түүний менежментийн ATRP компаниас мэдээлснээр, энэ цомог нь ЧУ-гийн уран бүтээлийн замналд гарах анхны томоохон бүтээл бөгөөд түүний "одоогийн мөчийг" хамгийн тод харуулсан, өмнө нь бүтээсэн бүх дууны өвийг нэгэн ертөнцөд цогцлоох зорилготой юм.

Уг цомогт нь зөвхөн хуучны хөнгөн, дур булаам дүр төрхийг харуулаад зогсохгүй, ЧУ-гийн өвөрмөц тунгалаг эрч хүч, өргөн хүрээтэй хөгжмийн мэдрэмж, гүн гүнзгий ойлголтыг шингээж, шинэхэн талыг нь харуулах төлөвтэй байна. Тэрээр тогтмол шинэлэг зүйлсийг туршиж ирсэн тул, хайр татам, гэрэл гэгээтэй эрч хүч дээр нэмэгдсэн хөгжмийн өсөлттэйгөөр шинэ ЧУ-г харах хүлээлт өндөр байна.

ЧУ 2021 онд анхны бие даасан мини цомог "Howl"-аа гаргаснаас хойш "Strawberry Rush", "Ony cry in the rain" зэрэг дуунуудаараа уран бүтээлээ үргэлжлүүлэн, бие даасан уран бүтээлчдийн хувьд байр сууриа бататгалаа. Ялангуяа тэрээр өнгөрсөн дөрөвдүгээр сард гаргасан "Only cry in the rain" мини цомгийнхоо гурав дахь дугаарт илүү гүнзгийрүүлсэн сэтгэл хөдлөл, боловсорсон дууны тайлбараар уран бүтээлч хүний өсөлтийг баталгаажуулсан юм.

Шинэхэн цомгоо гаргахаас өмнө ЧУ арванхоёрдугаар сарын 13, 14-ний өдрүүдэд Shinhan Card SOL Pay Square Live Hall-д "CHUU 2ND TINY-CON – Анхны цас ороход тэнд уулзъя" хэмээх хоёр дахь удаагийн бие даасан фэн-концертоо хийж, шүтэн бишрэгчидтэйгээ онцгой уулзалт хийхээр төлөвлөж байна.

Солонгосын интернэт хэрэглэгчид "Эцэст нь! ЧУ-гийн шинэ цомгийг тэсэн ядан хүлээж байна!", "Тэр маш их хичээсэн, энэ нь ямар нэгэн гайхамшиг байх нь дамжиггүй", "Түүний дуу хоолой, эрч хүч үргэлж намайг баярлуулдаг" гэх зэрэг сэтгэгдлүүдээр маш их баярлангуй хандлагаа илэрхийлж байна.