BTS-ын Jin-ы "Run Jin" тоглолтын кино гарах нь!
BTS хамтлагийн гишүүн Jin "#RUNSEOKJIN_EP.TOUR THE MOVIE" киногоо энэ жилийн төгсгөлд дэлгэцэнд гаргахаар бэлдэж байна.
12-р сарын 20-ны өдөр тэрээр хамтлагийнхаа албан ёсны сошиал хуудсанд киноны гол зургийг нийтэлж, дэлгэцнээ гарах тухайгаа зарлалаа. Энэхүү кино нь 6-р сарын 28-29-ний өдрүүдэд Goyang Sports Complex-ын дэд талбайд болсон "#RUNJIN_EP.TOUR in GOYANG" тоглолтын бодит бичлэгийг агуулсан юм. Кореод энэ кино 12-р сарын 31-нд CGV кинотеатруудаар зөвхөн нээлтээ хийнэ.
Үзэгчид Jin-ы анхны бие даасан цомог "Happy", хоёр дахь мини цомог "Echo" болон BTS-ын хит дуунуудыг амьд хамтлагийн хамт тоглосон олон төрлийн үзүүлбэрийг дахин мэдрэх боломжтой болно. Түүнчлэн ARMY фэнүүдтэйгээ хамт хөгжилдөж, өрсөлдсөн интерактив тоглолтуудыг тусгаж өгснөөр тайз болон үзэгчдийн хоорондын хил хязгааргүй "оролцоотой фэн концерт"-ын сэтгэл хөдөлгөм мөчийг дэлгэцэн дээрээс мэдрэх боломжтой болно.
Тоглолтын өмнөх болон дараах интервю зэрэг тайзны ард өрнөсөн үйл явдлуудыг ч багтаасан. Үүн дээрээс гадна, зөвхөн дэлгэцэн дээр гарах онцгой интро болон нэмэлт бичлэгүүд нь үзэгчдийн хүлээлтийг улам бүр нэмэгдүүлэх болно.
"#RUNSEOKJIN_EP.TOUR THE MOVIE" нь CGV-ийн ердийн танхим, 4DX, ScreenX, Ultra 4DX зэрэг олон төрлийн формат дээр гарна. ScreenX формат нь гурван талын өргөтгөсөн дэлгэцээр тоглолтыг илүү өргөн, амьд мэт мэдрэх боломжийг олгоно.
Jin өөрийн фэн концертын аялан тоглолтоо 10 хотод 20 удаа хийсэн бөгөөд 10-р сард багтаан өндөрлөсөн. Гоян, Японы Чиба, Осака хотуудад бүх тасалбар нь борлогдсон бол, ялангуяа Осакагийн Kyocera Dome-д хамгийн дээд давхар болон харагдац хязгаарлагдсан суудалтай бүх тасалбарыг "төгс борлож" байсан юм. Тэрээр мөн Их Британийн O2 Arena-д тоглосон анхны Солонгос соло уран бүтээлч, Америкийн Honda Center-т хамгийн олон үзэгчдийг цуглуулсан Солонгосын уран бүтээлч, Далласын American Airlines Center-т бүх тасалбарыг нь борлуулсан анхны Солонгос соло уран бүтээлчээр тодорсoн нь түүний дэлхий даяарх нөлөөллийг баталж өгсөн юм.
"#RUNSEOKJIN_EP.TOUR THE MOVIE" нь дэлхийн 70 гаруй улс/бүс нутагт ойролцоогоор 1,800 гаруй кинотеатрт гарах төлөвтэй байна. Гадаад дахь тоглолтын хуваарийг албан ёсны цахим хуудаснаас нь харах боломжтой.
Солонгосын интернэт хэрэглэгчид энэ мэдээг сонсоод ихэд баярлаж, "Ямар сайндаа л ингэж гардаг байна аа! Том дэлгэцэн дээр Jin-г харахыг тэсэн ядан хүлээж байна!", "Энэ бол шинэ жилийн хамгийн шилдэг бэлэг байх болно!", "Миний хотод бас гарах байх гэж найдаж байна." гэх зэрэг сэтгэгдлүүд үлдээжээ.