Stray Kids шинэ "SKZ IT TAPE" цувралаа гаргахаар бэлдэж байна!

Алдартай K-pop хамтлаг Stray Kids дахин нэгэн гайхалтай бүтээлээ үзэгчдэдээ хүргэхээр бэлэн боллоо. Арваннэгдүгээр сарын 21-нд тэдний шинэ цомог "SKZ IT TAPE" худалдаанд гарна. Энэхүү цомог нь "DO IT" нэртэй давхар хит синглтэй юм.

Энэхүү цомог нь тэдний наймдугаар сард гарсан "KARMA" цомгоос ердөө гурван сарын дараа гарч байгаа бөгөөд Stray Kids-ийн долоон жилийн турш тасралтгүй хийж ирсэн уран бүтээлийн шинэлэг туршилтуудыг харуулсан бүтээл болжээ. "SKZ IT TAPE" нь Stray Kids хамтлагийн хүсэж буй хамгийн хүчтэй, тодорхой мэдрэмжийг хөгжмөөр илэрхийлэх цуврал бөгөөд "This is it!" хэмээх итгэл төгс мөчүүдийг дүрсэлдэг.

"SKZ IT TAPE" цувралын эхлэлийг тавьж буй "DO IT" дуу нь "Өөртөө итгэлтэйгээр яг одоо зоригтой үйлдэл хий" гэсэн Stray Kids-ийн хязгааргүй дэмжлэг, урам зоригийг агуулсан бөгөөд тэдний өнөөдрийг аз жаргалтай өнгөрүүлж, шинэ "IT"-ийг бүтээж буй түүхийг өгүүлдэг.

Цомогт "Do It", "신선놀음" (Sinsaeonnor-eum) хэмээх давхар хит дуунаас гадна "Holiday", "Photobook", "Do It (Festival Version)" зэрэг нийт 5 дуу багтжээ. Хамтлагийн продюсерын баг болох 3RACHA-ийн гишүүд болох Банг Чан, Чанбин, Хан нар энэ удаад ч мөн бүх дууг өөрсдөө бүтээсэн байна.

35 улсын 56 хотод хийсэн түүхэн аялан тоглолт, АНУ-ын Billboard 200 чартын шинэхэн түүхийг бүтээсэн долоон удаагийн нэгдүгээр байр, болон анх удаагаа эх орондоо стадионд тоглолт хийсэн зэрэг үйл явдлуудын дараа Stray Kids хамтлаг хамгийн амжилттай жилээ энэхүү шинэ цомогтойгоо улам баталгаажуулах гэж байна.

"Орчин үеийн гэгээн царай"-тай эргэн ирсэн Банг Чан, Лино, Чанбин, Хёнджин, Хан, Феликс, Сонмин, Ай Ён нар шинэ цомог "SKZ IT TAPE 'DO IT'", мөн "Do It", "신선놀음" (Sinsaeonnor-eum) хит дуунуудын талаарх бодлоо хуваалцахад бэлэн байна.

Солонгосын интернэт хэрэглэгчид хамтлагийн хурдан эргэн ирэлтийг маш их дэмжиж, "Тэд дахиад л биднийг гайхшрууллаа!", "Энэ бол бүхэл бүтэн уран бүтээл!", "Шинэ дууг сонсохыг тэсэн ядан хүлээж байна!" гэх зэрэг сэтгэгдлүүдийг үлдээжээ.