10 жилийн дараа хуримаа хийх гэж буй Ким У-бин, Шин Мин-а нар: Хайрын түүх нь олон нийтийг баярлууллаа!

Жүжигчин Ким У-бин болон Шин Мин-а нар арван жилийн турш үерхсэний эцэст ирэх арванхонхон сард гэрлэх гэж байгаагаа зарлаж, олныг баярлуулж байна. Арван жил үргэлжилсэн тэдний хайрын түүх нь хэвлэл мэдээллийн хэрэгслэл, олон нийтийн анхаарлыг ихээр татдаг байсан юм.

Тэд анх 2015 оны 7-р сард албан ёсоор үерхэж эхэлсэн бөгөөд тухайн үед 31 настай Шин Мин-а болон 26 настай Ким У-бин нар нь 5 насны зөрүүтэй, үзэсгэлэнтэй хос хэмээн шуугиан тарьж байв.

Тэдний анхны учирлыг нэгэн хувцасны зар сурталчилгааны зураг авалтын үеэр болсон гэдэг. Хувцасны загвар өмсөгчөөр хамтран ажиллаж байхдаа бие биедээ татагдаж, улмаар бие биедээ дурлаж, хайр сэтгэлтэй болсон байна.

Ажилдаа амжилттай яваа хоёр жүжигчин хайр дурлал, ажил амьдралаа амжилттай хослуулж явсан. Гэвч 2017 онд Ким У-бин хамар хоолойн хорт хавдартай гэдгээ оношлуулж, жүжигчний карьераа түр зогсоосон юм. Энэ хүнд хэцүү цагт Шин Мин-а түүний хажууд байж, бүх талаар нь асран халамжилж байсан тухай мэдээлэл гарч байсан.

Дараа нь Ким У-бин жүжигчний карьераа үргэлжлүүлэхээр болж, Шин Мин-агийн агентлаг болох AM Entertainment-д элссэн нь олны анхаарлыг татсан. Гурав жил завсарласны дараа эрүүл саруул эргэн ирсэн Ким У-бин, түүний хайртай Шин Мин-атай нэгэн байгууллагад ажиллах болсон нь сонирхолтой байв.

Тэдний гадаадад, тухайлбал Австрали, Францын Парист хамт зугаалж явах зургууд олон нийтийн сүлжээнд цацагдаж байсан. Өнгөрсөн жил тэднийг Парис хотод хамт дэлгүүр хэссэн байдал нь ч хүмүүсийн анзааралд өртжээ.

Арав гаруй жил хамтдаа байхдаа хос хоёул бие биенээсээ эерэг зүйлсийг суралцаж, хайраа бэхжүүлсэн. Тэдний хамгийн гайхалтай амжилтын нэг бол нийт 5.1 тэрбум вон гаруй хөрөнгийг буяны үйлсэд хандивласан явдал юм. Тусламж хэрэгтэй хүмүүст тогтмол хандив өргөж, «Буянтай хос» хэмээн хүндлэгдэж байв.

Урт хугацааны турш үерхсэн тэдний хуримын тухай мэдээг сонссон олон нийт баяр хүслээ илэрхийлж, дэмжлэг үзүүлж байна. Тэдний хуримын ёслол 12-р сарын 20-нд Сөүл хотноо ёслол төгөлдөр, гэхдээ битүүхэн болно гэдгийг зохион байгуулагчид мэдэгдсэн ч, зарим шүтэн бишрэгчид нь «Хуримын зургаа заавал олон нийтэд дэлгэхийг хүсье» хэмээн хүсэлт гаргажээ.

Ким У-бин өөрийн шүтэн бишрэгчдэдээ зориулж, хувийн цахим хуудсандаа захидал бичиж, «Би гэрлэж байна. Олон жил хамт байсан найз бүсгүйтэйгээ гэр бүл болон цаашид хамтдаа алхахаар шийдлээ. Бидний цаашид алхах зам илүү дулаахан байхын тулд та бүхний дэмжлэгийг хүсч байна» хэмээн бичсэн нь түүний фэнүүддээ хандсан хандлагыг харуулсан юм.

Солонгосын интернэт хэрэглэгчид "Тэд бол жинхэнэ аз жаргалтай хос", "Хамгийн сайн жишээ" гэх зэргээр баяр хүргэж байна. Зарим нь "Ким У-биний өвчний үед Шин Мин-агийн үнэнч байдал, тэсвэр хатуужлыг биширмээр байна. Тэд хүнд хэцүү бүхнийг хамтдаа даван туулсан учраас аз жаргалыг хүртэх эрхтэй" хэмээн сэтгэгдэл үлдээжээ.