Жүжигчин Ким У-бин, Шин Мин-а нар 10 жилийн дараа гэрлэлтээ зарлалаа!
Алдарт жүжигчин Ким У-бин болон Шин Мин-а нар 10 жилийн хугацаанд үерхсэний эцэст гэрлэлтээ зарласан нь К-попын ертөнцийг доргиож байна.
Тэдний харилцаа нь албан ёсоор 2015 оноос эхэлсэн бөгөөд энэ хугацаанд тэд олон нийтийн хайрыг хүлээсэн хамгийн хайртай хосуудын нэг болсон юм. Ким У-бин өөрийн цахим хуудсандаа гар бичмэл захидал нийтэлж, "Би удаан хугацааны турш хамт байсан тэр хүндээ гэр бүл болон хамтдаа алхахаар шийдлээ" хэмээн гэрлэлтийнхээ тухай дуулгасан байна. Түүний агентлаг AM Entertainment "Удаан хугацааны турш бий болсон гүн итгэлцэл дээрээ тулгуурлан бие биенийхээ амьдралын хамтрагч болохоор амласан" гэж мэдэгджээ.
Тэдний хайрын түүх нь 2015 онд нэгэн брэндийн сурталчилгаанд хамтран ажиллах үеэр эхэлсэн. Ким У-бин 2017 онд ховор төрлийн хорт хавдар болох хамар залгиурын хорт хавдраар оношлогдож, эрүүл мэндийн хүндрэлтэй байсан үед Шин Мин-а түүний хажуунаас хэзээ ч холдож байгаагүй юм. Тэрээр нөхрөө дэмжиж, халамжилж байсан нь олон хүний удирдлага болсон. Одоо Ким У-бин эрүүл саруул болж, жүжигчнийхээ карьераа амжилттай үргэлжлүүлж байна. Саяхан тэрээр Netflix-ийн "Unfair'', "Sweet Home 2"-т тоглосон бөгөөд тэрээр "Lovers in the Night Sky"-д тоглосон. Шин Мин-а Disney+ цацагдах "The Second Marriage" киногоо хийж дуусгаад байгаа бөгөөд саяхан Хонконгод болсон Disney+ preview арга хэмжээнд оролцжээ.
Арав гаруй жил үерхэхдээ тэдний харилцаанд нэг ч удаа сэв суугаагүй, маргаан, дуулиан гараагүй нь тэднийг олны хайрыг хүлээх нэг шалтгаан болсон юм. Тэд харилцаандаа үргэлж бие биенийгээ хүндэтгэж, халамжилж ирсэн нь тэднийг "Ард түмний хайртай хос" хэмээн өргөмжлөхөд хүргэжээ.
Солонгосын интернэт хэрэглэгчид "Тэдний хайр үнэхээр гайхалтай, баяр хүргэе!", "Тэд бол жинхэнэ хайрын бэлгэдэл, би тэдний гэр бүл болохыг харахыг тэсэн ядан хүлээж байна" гэх зэргээр сэтгэгдэл үлдээж байна. Мөн "10 жил бол маш урт хугацаа, тэдний тэвчээр, хайр гайхалтай" хэмээн магтаж байна.