A2O MAY хамгийн анхны фэн уулзалтаа амжилттай зохион байгуулж, Шанхай дахь фэнүүдээ баярлууллаа!
Олон улсын алдартай "A2O MAY" охидын хамтлаг анхны фэн уулзалтаа амжилттай зохион байгуулж, БНХАУ-ын Шанхай хотын "1862 Fashion Art Center"-т арваннэгдүгээр сарын 22-нд болсон үйл явдал нь шүтэн бишрэгчдэд нь мартагдашгүй бэлэг болсон юм.
"A2O MAY" хамтлагийн гишүүд болох CHENYU, SHIJIE, QUCHANG, MICHE, KAT нар "BOSS" болон "B.B.B" зэрэг хит дуунуудаараа үзэгчдийг шуугиулан, фэн уулзалтын нээлтийг хийж, ирсэн бүх фэнүүддээ талархлаа илэрхийлж, баяр хөөрөө хуваалцсан.
Тус үдэш "A2O MAY" нь саяхан олны таашаалд нийцсэн "PAPARAZZI ARRIVE" дуунаас гадна, MICHE болон KAT нарын "Sweat", SHIJIE-гийн "Trip", CHENYU-гийн "Someone You Loved", QUCHANG-гийн "Black Sheep", KAT-ын "Scared to Be Lonely", MICHE-гийн "You Are The Reason", мөн CHENYU, QUCHANG, SHIJIE нарын хамтын бүтээл "Melody" зэрэг соло болон хамтарсан тоглолтуудыг үзүүлэн, тайзыг халуунаар дүрэлзүүлсэн.
Фэнүүдтэйгээ харилцах онцгой цаг ч үргэлжилсэн. Гишүүд өөрсдийн гараар хийсэн bandana-г азтаны урамшуулалд тарааж, анх удаагаа олон нийтэд дэлгэгдэж буй зураг, бичлэг болон тэдгээрийн ард өрнөсөн түүхүүдийг хуваалцан, фэнүүдээ инээлгэсэн. "MAYnia Q&A" хэсэгт фэнүүдийн асуултад гишүүд хариулж, илүү утга учиртай цагийг өнгөрүүлсэн.
Мөн гишүүд SNS-д тренд болсон бүжгийн уралдаанд өөрсдөө оролцож, "PAPARAZZI ARRIVE" бүжгийн уралдаанд фэнүүдтэйгээ хамт нэгдэж оролцсон нь онцгой байсан.
Фэн уулзалтын төгсгөлд, фэнүүдийн бэлдсэн гэнэтийн видеог үзээд "A2O MAY"-ийн гишүүд нулимс унагаж, "Үнэхээр их баярлалаа" хэмээсэн. Гишүүд ч мөн фэнүүддээ зориулж бэлдсэн захиагаа уншиж, тэдний хайр хүндэтгэлийг онцолсон.
"A2O MAY"-ийн гишүүд "Бидний анхны фэн уулзалтад ийм олон фэн ирсэнд бид аз жаргалтай байна. Та бүхний дэмжлэг, хайрын ачаар бид энэ амжилтад хүрсэн. Энэ мөчийг бид хэзээ ч мартахгүй. Бид илүү бахархмаар уран бүтээлч болохын төлөө хичээх болно" хэмээн чин сэтгэлээсээ ярьсан.
Харин "A2O MAY"-ийн анхны EP болох "PAPARAZZI ARRIVE" нь АНУ-ын Billboard чартын "Emerging Artists" ангилалд 8-р байр, "World Albums"-д 11-р байрт орж, дэлхий даяарх шинэ уран бүтээлчдийн дунд өндөр байр эзэлсэн. Мөн АНУ-ын Mediabase Top 40 Airplay чартын "Most Added" ангилалд Жастин Бибертэй хамт хамгийн их нэмэгдсэн уран бүтээлчдийн нэгээр шалгарсан. БНХАУ-д QQ Music-ийн "Hot Song" болон "New Song" чартуудад ТОП3-т багтаж, Weibo-гийн "Year of Competition" болон "Weibo Music Awards" зэрэг нэр хүндтэй шагнал гардуулах ёслолуудад шинэ залуу уран бүтээлчийн шагнал хүртсэн нь тэдний амжилтын гэрч юм.
Солонгос интернэт хэрэглэгчид "A2O MAY"-ийн амжилтыг магтаж байна. "Тэд үнэхээр гайхалтай! Тэдний тоглолт, фэнүүдтэйгээ харилцах харилцаа нь үнэхээр сэтгэлд хүрэм байна" гэж нэгэн сэтгэгдэл бичжээ. "Энэ бол тэдний төлөө хийсэн хичээл зүтгэлийн үр дүн" хэмээн бусад нь нэмж байв.