god хамтлаг сасаен фэнүүдтэй хатуу харьцаж байна: "Хувийн амьдралыг битгий зөрч!"

god хамтлагийн менежментийн JSTone E&M компани сасаен фэнүүдийн зүгээс үйлдэгдэж буй зохисгүй зан үйлийн талаар албан ёсоор анхааруулга гаргажээ.

Сүүлийн үед уран бүтээлчдийн оффис, бэлтгэлийн танхим зэрэг хувийн байранд зөвшөөрөлгүй нэвтрэх, компанитай тохиролцоогүй дэмжлэг илгээх гэсэн оролдлогууд гарч байгааг онцолжээ.

JSTone E&M компани "Урьдчилсан мэдэгдэлгүй хувийн уулзалт, уран бүтээлчдийн хувийн орон зайд нэвтрэх нь тэдний хувийн амьдралд халдсан хэрэг болно тул хатуу хориглоно" гэдгийг онцолсон байна.

Түүнчлэн, "Дэмжлэг үзүүлэхийг хүссэн хүмүүс заавал доорх имэйлээр хандаж, хариуцсан ажилтнаас зөвлөгөө авч байж илгээнэ үү" хэмээн хүсэлт тавьжээ.

"Та бүхний эрүүл фэн соёлыг бий болгох, уран бүтээлчдийн хувийн амьдралыг хамгаалахад идэвхтэй хамтран ажиллана гэдэгт найдаж байна. Бид цаашид ч уран бүтээлчдийн эрхийг хамгаалахад бүхий л чадлаараа хичээх болно" гэж компани мэдэгджээ.

Сануулахад, god хамтлаг нь 12-р сарын 5-7 хооронд Сөүл дэх KSPO DOME (Олимпын гимнастикийн ордон)-д болох "ICONIC BOX" тоглолтоор фэнүүдтэйгээ уулзахаар бэлтгэлээ хийж байна.

Солонгосын интернет хэрэглэгчид "Эцэст нь!", "Сасаен фэнүүд ойлгоод болино байх" зэрэг сэтгэгдлээр компаниа дэмжиж байгаагаа илэрхийлжээ. Мөн god хамтлагийн удахгүй болох тоглолтыг тэсэн ядан хүлээж байгаагаа олон хүн илэрхийлсэн байна.