INCODE Entertainment-ийн 'INTHE X Project'-д оролцох 10 залуу уран бүтээлч бүрэн танигдлаа!

INCODE Entertainment компани 'INTHE X Project' нэртэй шинэ төслийнхөө 10 залуу уран бүтээлчийг бүрэн танилцууллаа.

Төслийн эхлэл 19-нд Сена, Сен, Хьонмин нарын профайлыг нийтэлснээр тавигдсан бөгөөд, дараагийн хоёр өдөрт буюу 20, 21-нд үлдсэн 7 гишүүнийг дараалан танилцуулсан байна.

Эдгээр 10 залуу уран бүтээлчдийн дунд Mnet сувгийн 'Boys Planet' нэвтрүүлэгт оролцож байсан Масато, Сен, Сүн Жиян, Пөнжинүй, мөн JTBC сувгийн 'Project 7' нэвтрүүлгийн оролцогч Тэхван нар багтсан нь фэнүүдийн дэмжлэгийг хэдийнээ аваад эхэлжээ.

INCODE-ийн шалгаруулалтын постер дээр гарч ирсэнээр олонд танигдсан Сена ч энэ төслийн хүрээнд албан ёсоор уран бүтээлчээр танилцуулагдлаа.

Нийт 10 залуу уран бүтээлч нь хувийн зургаараа эрч хүчтэй харц, гайхалтай гоо үзэсгэлэнг харуулсан бол, 22-нд цацагдсан хамтын зураг дээрээ тэдний чамин гоё харилцан үйлчлэл нь тэсэн ядан хүлээх сэтгэл төрүүлж байна.

'INTHE X Project' нь 25-наас эхлэн гишүүн бүрийн онцлогийг харуулсан танилцуулах видеог дараа дараалан цацах зэрэг олон төрлийн контентыг үзэгчдэд хүргэхээр төлөвлөж байна.

Мөн 'INTHE X Project'-ийн залуу уран бүтээлчид 12-р сарын 25-нд Макао хотноо болох '2025 INCODE To Play: Christmas Show' арга хэмжээн дээр анхны тайзны гаралтаа хийж, шүтэн бишрэгчидтэйгээ уулзах юм.

'Ким Жежунгийн хүүхдүүд' хэмээн алдаршсан тэдний авьяас чадвар, гоо үзэсгэлэн нь гайхалтай бөгөөд төслийн гараанаас эхлэн ихээхэн анхаарал татаж, ирээдүйд үзүүлэх амжилтыг нь олон хүн хүлээж байна.

Солонгосын интернэт хэрэглэгчид шинэ уран бүтээлчдийн танилцуулгад ихэд баярлаж, "Бүх гишүүд гарлаа! Дебютыг нь тэсэн ядан хүлээж байна" хэмээн сэтгэгдэл үлдээжээ. Тэдний өмнөх шоу тоглолтуудыг дурдаад, "Илүү сайн гэдгээ харуулж чадна гэж найдаж байна!" хэмээн дэмжлэгээ илэрхийлж байна.