G-DRAGON "The Venti" брэндийн шинэ өвлийн кампанит видеонд тоглож, эрч хүчтэй бүтээгдэхүүнээ танилцууллаа

Алдартай кофе брэнд "The Venti" нь брэндийн загвар өмсөгч G-DRAGON-той хамтран бүтээсэн "Berry Special Winter" нэртэй өвлийн улирлын шинэ кампанит видеог цацлаа.

Өнгөрсөн долоо хоногт цацагдсан тизер видео нь ихээхэн хүлээлт үүсгэсэн бөгөөд энэ удаагийн кампанит видео нь өвлийн улирлын гол бүтээгдэхүүн болох гүзээлзгэний амтыг онцолж, өвлийн сэтгэл хөдлөлийг мэдрэмжтэйгээр харуулжээ.

Видеонд G-DRAGON уулнаас ургасан том гүзээлзгэнийг барин явж байгаа бөгөөд "Зөөлөн, амттай, бас хурц амттай" гэсэн бичиг нь үзэгчдийн сониуч залыг хөдөлгөж байна.

Дараа нь цастай уулын ард гүзээлзгэний хэлбэртэй бөмбөлөг гарч ирэн, "The Venti"-гийн өвлийн шинэ бүтээгдэхүүн болох "Strawberrry Choux Cream Latte"-г танилцуулжээ. Видео нь G-DRAGON бөмбөлөгөөс унаж буй гүзээлзгэний ундааг барьж, амтархан ууж буй сценоор төгсч байна.

Энэ кампанит видеон "The Venti" брэндийн албан ёсны YouTube суваг болон SNS хаягуудаар үзэх боломжтой бөгөөд телевиз, Netflix, TVING зэрэг дижитал медиа, мөн метро, автобусны буудлууд зэрэг олон нийтийн газарт байрлах самбаруудад үе шаттайгаар гарах юм.

Кампанит видеонд гарч буй өвлийн улирлын шинэ гүзээлзгэний бүтээгдэхүүнийг 12-р сарын 3-наас эхлэн "The Venti"-гийн бүх салбар дэлгүүрүүдээр худалдаанд гаргах аж.

"The Venti"-гийн төлөөлөгч "Энэ кампанит видео нь өвлийн улирлын гол бүтээгдэхүүн болох гүзээлзгэний гайхамшигт амтыг шинээр илэрхийлснээрээ онцлог юм" хэмээн онцолж, "G-DRAGON-той хийсэн хамтын ажиллагаагаар "The Venti"-гийн гүзээлзгэний шинэ бүтээгдэхүүн энэ өвлийн улирлыг төлөөлөх ундаа болно гэдэгт найдаж байна" гэсэн байр сууриа илэрхийлжээ.

Солонгосын интернэт хэрэглэгчид "G-DRAGON-ы стиль хэзээд гайхалтай!", "Гүзээлзгэний энэ кампанит ажил маш сэргэг харагдаж байна", "Шинэ ундааг тэсэн ядан хүлээж байна!" зэрэг сэтгэгдлүүдийг үлдээжээ.