BABYMONSTER 'MAMA AWARDS 2025' дэвшсэн үзүүлбэрээрээ дэлхийг шуугиулав!
"BABYMONSTER" хамтлагийн гишүүд Парита, Ахьон, Лами нар "2025 MAMA AWARDS"-ын тайзнаа гялалзаж, дэлхий нийтийг алмайрууллаа. Тэдний уран бүтээлчдийн ч 'Дуулах хүн олоход бэрх байх болно' хэмээн онцолж байсан маш өндөр хүнд аялгуутай дууг, ердөө хагас жил гаруйхан дэбют хийгээд байсан тэд гүйцэтгэж, түүхэн дэх хамгийн гайхамшигт мөчийг бүтээсэн юм.
"BABYMONSTER"-ийн Парита, Ахьон, Лами нар өнгөрсөн сарын 28, 29-ний өдрүүдэд Хонконгийн Кайтак цэнгэлдэх хүрээлэнд болсон "2025 MAMA AWARDS"-ын үеэр Netflix-ийн "K-pop Demon Hunters" хүүхэлдэйн киноны гол дүрд тоглосон Хантриксс хэмээх дүрээрээ амилсан билээ. Анхны том хэмжээний олон улсын тайзнаа хамгийн хүнд дууг сонгосон тэдний зориг нь өөрөө олны анхаарлыг татсан ч, нээлтээ хийсэн тайз нь үүнээс ч илүү 'цочрол' авчирсан юм.
"BABYMONSTER"-ийн гишүүд энэ удаагийн тоглолтондоо гайхамшигт перформанс болон тайзны чимэглэлгүйгээр, зөвххөн гайхалтай амьдаар дуулах авьяасаараа үзэгчдийг бишрүүлсэн. 'What It Sounds Like' дуугаар эхэлсэн тайз нь үзэгчдэд эхнээс нь цочрол мэдрүүлсэн. Дараа нь тэд Хантрикссийн хит дуу болох 'Golden'-ээр оргилд хүрсэн юм.
"Golden" нь "K-pop Demon Hunters" киногоос гарсан дуунуудаас хамгийн хэцүү нь гэж тооцогддог. Оригинал хөгжим бүтээгчид ч 'Энэ дууны өөрийнх нь аялгууг тогтвортой дуулж чадах хүнийг олоход бэрх' хэмээн ярьж байсан удаатай. Өндөр хэмнэл, хурдан өөрчлөгдөх хэмнэл, эрчимтэй их биеийн шаардлагатай бүтэц нь дэлхий даяарх фэнүүдийг 'туршилт хийх видео' хийж, өндөр аялгуу хэсэгт бүтэлгүйтэж байгаа байдал нь меме болж тархсан юм.
Харин "BABYMONSTER"-ийн гишүүд энэхүү нэр хүндтэй хэцүү дууг анхны өнгө, анхны найруулга, анхны хүнд байдлаар нь амьдаар дуулж, тайзыг чичрүүлсэн. Дуулах явцад ч амьсгаа нь тасрахгүй, секундэд таарсан хоолойн зохицол, амьдаар дуулж байна гэдэгт итгэмээргүй дууны өндөр байдал, дээрээс нь хийж гүйцэтгэсэн перформанс нь 'мангас шинэ хамтлаг' гэх нэрийг нь дахин баталгаажуулсан юм.
Ялангуяа дууны сүүлийн хэсэгт өндөр аялгуу солилцох хэсэг нь хамгийн их алга ташилтыг авсан. Тайзан дээр байсан үзэгчид болон дэлхий даяарх фэнүүд 'Энэ ямар шинэхэн хамтлагийн анхны том тайзны амьд тоглолт вэ?', 'Хүний хоолойн өндөр ийм байдаг юм уу?', 'BABYMONSTER "Golden"-ийг аварлаа' гэх зэргээр гайхшралаа илэрхийлсэн.
Тайзны дараа "Golden" дууны бичлэг YouTube, TikTok зэрэг бүх платформуудад цахилгаан адил тархаж, маш их үзэлттэй болоод байна. Ялангуяа гадаадын "K-pop Demon Hunters" фэнүүд 'Анхны бүтээгч нь ч гайхах байх', 'BABYMONSTER-ийн хувилбар нь албан ёсны амьд хувилбар шиг санагдаж байна' хэмээн магтсан. "2025 MAMA AWARDS"-ын нийт үзэлтүүдийн 1, 2-р байрыг "BABYMONSTER"-ийн үзүүлбэрүүд авсан байна.
Дуулах болон перформансын аль алинд нь төгс чадвартай гэж үнэлэгдэж буй "BABYMONSTER". MAMA AWARDS дээрхи "Golden" амьд тоглолт нь тэдний ирээдүйн чадавхи болон авьяасыг нэг дор баталж, цаашид дэлхийн зах зээлд ямар гайхамшгийг дагуулхыг улам их хүлээлт үүсгэж байна.
Солонгосын интернэт хэрэглэгчид "BABYMONSTER-ийн амьд дуулах чадвар үнэхээр гайхалтай", "Тэдний 'Golden' хувилбар нь оригинал дуунаас ч илүү байлаа", "Маш их хөдөлмөрлөсөн нь харагдаж байна, би тэднийг дэмжинэ" гэх мэт сэтгэгдлүүдийг үлдээж байна.