LE SSERAFIM АНУУЛДАРЫН БАЯРЫН ШОУГА ГАРНАЛАА!
Америкийн хамгийн том шинэ жилийн баярын нэвтрүүлэг болох "Dick Clark’s New Year’s Rockin’ Eve with Ryan Seacrest 2026"-д LE SSERAFIM хамтлаг уригдлаа. Тэд энэ жил уг арга хэмжээнд оролцох цорын ганц K-pop хамтлаг болж, АНУ дахь нэр хүндээ баталлаа.
2-р сарын 2-нд (орон нутгийн цагаар) Америкийн ABC телевизийн "Dick Clark’s New Year’s Rockin’ Eve 2026" нэвтрүүлэг өөрсдийн албан ёсны сошиал хуудсаараа LE SSERAFIM хамтлагийн (Ким Чэвон, Сакура, Хо Юнжин, Казуха, Хон Ынче) оролцохыг баталгаажуулсан.
"New Year’s Rockin’ Eve" нь жил бүрийн 12-р сарын 31-ний оройноос шинэ оны эхний өдөр хүртэл дэлхий даяар үзэгчдийг байлдан дагуулдаг Америкийн хамгийн том шинэ жилийн нэвтрүүлэг юм. Энэ жил Mariah Carey, Post Malone, Chappell Roan зэрэг алдартай уран бүтээлчидтэй хамт LE SSERAFIM уран бүтээлээ толилуулах болно.
LE SSERAFIM Нью-Йоркийн Таймс Скверт 4 дэх мини цомог "CRAZY" болон анхны сингл "SPAGHETTI (feat. j-hope of BTS)"-ээс бүрдсэн үзүүлбэрийг үзүүлэх юм. Өнгөрсөн наймдугаар сард гарсан "CRAZY" дуу нь Америкийн Billboard "Hot 100" чартад багтаж, ихээхэн алдаршсан. Мөн "2025 LE SSERAFIM TOUR ‘EASY CRAZY HOT’" аялан тоглолтын үеэр үзэгчдийг нэгэн дуугаар дуулуулах дуу болсон. "SPAGHETTI (feat. j-hope of BTS)" нь 10-р сарын 24-нд цацагдсан бөгөөд сонсоход чихэнд аятай, таван гишүүний үзүүлбэр нь үзэхэд үзэмжтэй байснаар Billboard "Hot 100" (50-р байр) болон Их Британийн "Official Singles Chart Top 100" (46-р байр)-д хамтлагийн түүхэн дэх хамгийн өндөр амжилтыг тогтоосон.
LE SSERAFIM энэ жил АНУ-ын хөгжмийн зах зээлд эрчимтэйгээр өссөн. Есдүгээр сард дууссан Хойд Америкийн аялан тоглолтынхоо үеэр Ньюарк, Чикаго, Гранд Прери, Инглвуд, Сан-Франциско, Сиэтл, Лас-Вегас зэрэг 7 хотод бүх тасалбарыг борлуулж, фэнүүдийнхээ хүрээг өргөжүүлсэн. АНУ-ын хамгийн шилдэг шинэ жилийн нэвтрүүлэгт уригдсан нь тэднийг "4-р үеийн шилдэг охидын хамтлаг" гэсэн байр суурийг нь бэхжүүллээ.
LE SSERAFIM оны эцэст болон шинэ оны эхээр Солонгос, АНУ, Японы хооронд аялан, дэлхий даяарх үйл ажиллагаагаа үргэлжлүүлэх болно. Тэд 12-р сарын 6-нд Тайванд болох "10th Anniversary Asia Artist Awards 2025", 19-нд KBS "2025 Song Festival Global Festival", 25-нд "2025 SBS Gayo Daejeon", 28-нд Японы "Countdown Japan 25/26" зэрэг томоохон арга хэмжээнүүдэд оролцоно. 2026 оны нэгдүгээр сард "40th Golden Disc Awards"-д оролцох юм.
LE SSERAFIM-ийн Монгол фэнүүд маш их баярлаж байгаагаа илэрхийлжээ. "Гайхалтай амжилт! LE SSERAFIM АНУ-ын хамгийн том шинэ жилийн арга хэмжээнд оролцох нь ээ!", "Тэд дэлхийг байлдан дагуулж байна!" гэж сэтгэгдэл бичжээ.